لقاء الغرباء
محمد عياش القرعان
مرة واحد لقاني بالشارع
. قال مش انت الأستيز محمد عياش؟؟
قلت اه، اني محمد من لبُ اربد…
قال اهلا وسهلا تشرفت…
قلت اهلين بيك….
قالي انا بتابعك من زمان وصفحتك وكتاباتك حلوة كثير،
بس انا ما بحب احط لايك ولا اشارك ولا اعلق..!!
قلت مش مشكلة ولا يهمك، اهم اشي يكون نَفسك معانا …
قال، طيب ممكن سؤال ثاني إذا ما فيها ازعاج؟!!
قلت لا ابدا، لا ازعاج ولا شسمو..
قال انا بلاحظ انك بتكتب كثير وبتنشر كثير على صفحتك، وما شالله عندك متابعين كثير، طيب انت شو بتستفيد من هالشغلة ؟!!!
قلت بستفيد اني بتعرف على الناس الغانمة اللي مثلك!!
قال شكرا استيز…!!
قلت بس بدك الصراحة،
انا بوخذ على اللايك عشر قروش والكومنت 15.5 قرش
والشير 17 قرش..
بس انت الك عرض خاص،
اول ثلاث شهور مجاناً…. والك مني بونص، كل عيلتك مجانا كمان بنفس العرض!!
قال اووووووو …هيك حلو كثير…!!!
قلت بس انت شو اسمك على الفيس بوك بلا زغرة؟!!
قال فلان الفلاني، بس عفوا لويش بتسأل ؟!
قلت لا ولا اشي، بس حاب اتعرف عليك…
يالله كويس، مليح اللي ذكرتني انك عندي بالصفحة، عشان كمان اعملك بلوك ثلاثي الأبعاد واخلص من شكلك !!
ثم
“وتلاقينا لقاء الغرباء.. ومضى كلٌ الى فيس بوكّه… لا تقل شئنا فأن الله شاء”
“وأنه ثمّ خلص” !!
