كيف ردّ الأردنيون على زيادة الرزاز للمعلمين ؟

سواليف – رصد – فادية مقدادي
لم ينتظر الأردنيون حتى يخرج نائب نقيب المعلمين الدكتور ناصر النواصرة ليرد على قرار رئاسة الوزراء بزيادة المعلمين ، حيث اجتاحت الردود والتعليقات على القرار قبل رد النواصرة .
وجاءت زيادة المعلمين الحكومية على النحو التالي

الدكتور النواصرة رد على رئيس الحكومة بالقول ، أن كرامة المعلم أهم ، وأنهم يتبرعون بهذا الفتات الى الحكومة للانفاق على سفرات المسؤولين ومياوماتهم ، رافضا لها ولما جاء فيها ، معلنا الاستمرار بالإضراب .
بينما اجتاح هاشتاغ #مع_المعلم مواقع التواصل الاجتماعي تضامنا مع نقابة المعلمين .
ونحن في سواليف رصدنا بعض تعليقات الأردنيين وردودهم على الرئيس الرزاز :

** نتائج علاوة الرزاز :
‏معلم مساعد : سندويشة فلافل مع شطة
‏معلم : سندويشة فلافل مع شطة وسلطة بطحينة
‏معلم اول : سندويشة فلافل مع شطة ومقالي وسلطة
‏معلم خبير : سندويشة فلافل وشطة ومقالي وسلطة وباكيت عصير زاكي
‏اكيد رح يزيد وزن المعلمين هذه السنة

**مع اقتطاع الضمان والتأمين الصحي
31-(6.5%×31+31×3%)=28.360
بمعنى ان صافي الزيادة الشهرية تبلغ 28 دينار اي بمعدل 95 قرش يوميا للمعلم الخبير بالله عليك ما بتستحي على حالك رئيس الوزراء وطالع عل قناة الرسمية للدولة وبتحكي ب 95 قرش.

**يا ريت هاي الزيادة تكون للنواب و الوزراء و الأعيان لأنهم بحاجة أكثر من المعلم… الله يعينهم الوضع عندهم صعب. و العشرين دينار بالنسبة الهم اشي كثير

**الرزاز..انت المسؤوول عن استمرار الاضراب لأنك لم تلبي مطلب المعلمين على بساطته.. على الاقل لم يطلبوا راتباً بقدر رواتب سكرتيرات المسؤولين التي تقدر ب3000 و5000 دينار.. ولم يطلبوا علاوات بدل سفر وبدل تنقلات التي تصرفوها بالآلاف #مع_المعلم

**دينار حلوة بتجيب كاسة قهوة سادة للسيادة👎

**طب قول يعني ٦٥ قرش باليوم ، مغلب حالك لو صرفتولنا سنديوشة باليوم كان نفس الحسبة ، ومنه توخذ شركة الولاء العطاء مثل ما اخذ الشرشف اخوها ، الله يسامحك وانت طالع من عنق الزجاجة علقت وعلقتنا كلنا معك وهات نلاقي عاقل يطلعنا .

**يعني ٨٠ قرش باليوم والله اشي مرتب 😂👌

**معلم مساعد زيادة ٢٤ دينار… شد حيلك وصير معلم بزيدوك كمان دينار بتصير ٢٥ دينار . أما إذا كنت معلم خارق خبير بيطلعلك كمان ٣ دنانير…بتصير ٢٨دينار
.
بالله عليكم هذا كلام رئيس وزراء لمعلمين؟؟
.
#مع_المعلم

** طيب ليش ما توخذ من نفقات الوزراء والنواب وتعطيهم ؟ ولا هاي صعبة على دولتك ؟
وبالمناسبة عيب تحكي مع المعلم بهاي الطريقة
#مع_المعلم

** والله هيك كثير عمو الرزاز المعلم مو محتاج الا يطلع بالسنة مرتين ثلاث سياحه اما هيك علاوة راح تخليه كل شهر يطلع…..

** نقصوا من رواتبكو شوي واعطوا العالم خلها تعيش ناس يوخذ ملايين وناس مستوي

**طيب كثيير يعني ٢ مليون و ١٩٧ الف على كومه المعلمين مع انه الحرميه الي عنا بسرقو ب ٢ مليار بعرفوش المليون

**خفض رواتب الوزراء والنواب البصيمه وموظفين الهيئات المستقله وموظفين الضمان والجمارك حتى يحصل عدل بالرواتب مع بقيه موظفين البلد

**طيب وليش هالبعزقة ٢٤ دينار مرة وحدة
يعني حتى مش محصلين دينار عاليوم
حسبي الله بس
#مع_المعلم
#مع_النقابة

**للعلم:
‏3 مليار و124 مليون و463 ألف دينار أردني بموازنة 2019 تحت بند أخرى لا تخضع لمناقشة أين تصرف وكيف ولا ترد في كشوف حسابات الميزانية الرقم مرعب جدا خاصة عندما نتذكر أننا بلد يعاني شح الموارد! فيا حكومة هل يمكن التكرم بصرف علاوة ال50 ضمن بند أخرى وتنهي الأزمة وتنقذي الوطن؟‎

**انا بقول دولتك لو اختصرت على حالك واعطيتها no comment احسنلك….
قضيتها بتصريحاتك مرة نحن في طائرة ومرة في قارب ومرة في باص مهور والله دولتك انه التصريح مو منك

** الفرق بين المعلم المساعد والمعلم هو خبرة خمس سنوات يحصل نظيرها المعلم على زيادة دينار شهريا (٢٥-٢٤=١) اي ٣ قروش يومياً.
والفرق بين المعلم المساعد والمعلم الخبير حوالي ٢٠ سنة خبرة يحصل نظيرها المعلم الخبير على زيادة بمقدار (٣١-٢٤=٧ دنانير) اي ٢٣ قرش يومياً.
هاي ال comment
#حكومة_النهضة
#مع_المعلم

**ملخص حديث الرزاز
🤔 زيادة ( معلم مساعد؛ معلم؛ معلم اول) سندويشة باليوم
🤔 زيادة( المعلم الخبير)
سندويشة مع كاسة شاي
😂😂
شد حالك يا معلم جيب دكتوراه على البدري عشان تشرب الشاي

**

**اذا مشي هاذ الحكي فبتكون الحكومة ضحكت عليكو للابد..
ميزانية الدولة ما بتسمح الا لهاذ الحد من العلاوات ،بس بتسمح انو يكون رواتب المسؤولين بالبلد الاف مؤلفة بالشهر !!
#مع_المعلم

**يا رجل بتعرف بعد ما سمعت تصريحك بدي اقول لكل المعلمين اصحوا تفكو اضرابك انا كنت زعلان على الاولاد هسى بطلت خليهم نايمين سنه

**لا مكثر شو بدهن يجيبن….. تعال شوف معلم قرايبنا مش قادر يسجل بنته بالجامعة لانه مكرمتك السامية بتامنش مواصلاتها وهيه بنفس البلد

**مغلبين حالكم والله لو شحده مو هيك لا حول ولاقوة الا بالله

**باالله عليك يارزاز هالمبلغ ماتسحتي تحطه بغشيش طاوله لمطعم تتعشى بيه

اظهر المزيد

مقالات ذات صلة

‫3 تعليقات

  1. سكت دهراً ونطق كفراً..
    والله سكوتك افضل.. لانك كل ما تجي تكحلها. عميتها..
    انا مش عارف كيف تسيرو وزرا. الضاهر انتو دمى جالسين على كراسي ..

  2. ياعمر بعض صرافات ما لتسمح غير ميتن وخمسين
    دينار
    يعني بدو كل يوم يسحب ثمن مرات يعني السحب راتبه بدو يداوم عند الصراف ساعتين كل يوم حتي يقدر يسحب راتبه
    يعني بدو يعمل طابور وراه
    يلا قلة طوابير عنا

اترك رداً

زر الذهاب إلى الأعلى