كلّه بالة
وليد عليمات
جارتنا الختيارة أم علي كانت يوم الجمعة بداية الصيف أو الشتا بتوخذ كناينها (كلهن ساكنات عندها).. وبتنزل على السكة (البالة في الزرقا)..
وببشتروا أحذية وملابس بغض النظر عن القياس.. وبعبوا كياسهم ويروحوا.
.
يلتم الاولاد والاحفاد والكناين حولين كوم الاحذية والملابس اللي فردوها بنص الدار.. و يبلشوا ينبشوا فيهم ويختاروا..
.
أم علي قاعدة زي معلقين كرة القدم.. ( اللي ما بيجي عليك بيجي ع اخوك أو ابن عمك.. اللي ضيق عليكي اعطيه لأختك أو بنت عمك… اللي ما بيجي عليكي بيجي ع سلفتك)
.
نظرية أم علي منبثقة من النظام السياسي الفئوي الذي يحصر السلطة في فئة معينة تتبادل المناصب والمكاسب فيما بينها وتتبع لذات المرجعية..
( ما طلعلك نائب بتصير وزير أو عين.. تركت الوزارة بنحطك سفير.. أو بنرجعك عين.. منصب ضيق عليك بنحطك رئيس هيئة مستقلة)
.
كله #بالة
#وليد_عليمات
والله العظيم ان تشبيهك بليغ وواقعي وصادق …… تحياتي