كاساتك يا وطن

كاساتك يا وطن
وليد عليمات

كان عند أمي.. كاسات ما بنشوفهم الا اذا اجا عندنا ضيوف… وبس يروح الضيوف ينغسلوا ويرجعوا للخزانة ويتقفل عليهم
.
طبعا أمي كان بهمها صورتنا قدام دول العالم.. فلازم الأمم المتحدة والمنظمات تشوف انه كاساتنا جديدة ومرتبة…
.
طبعا اذا صار مرة وانكسرت كاسة منهم بصير حظر شامل عليهم وحراسة مشددة..

بتصير كل حياتك مرتبطة بكسر الكاسة..

مثلا اذا فشلنا في مكافحة الفساد.. امي بتقول : هو انت شو تعرف تسوي اذا الكاسة كسرتها
اذا حد جاب سيرة حرب.. بتقول احنا بدون حرب تكسرت الكاسة
اذا صار زلزال في جزيرة سومطرة.. بتقول انت بدون زلزال وقعت الكاسة وكسرتها..
.
طيب يما اجيبلك طقم كاسات.. بتقول (لويش طقم الكاسات عشان تكسره) 🤣🤣🤣🤣
.
يا ريتهم حافظوا على البلد زي ما بتحافظ أمي على اغراضها..
.
(صوت من خارج البوست بقول :كاسات ما حافظت عليها بدك تحافظ عالبلد)

#وليد_عليمات