حكايات أم محمود ( خرز أزرق وباص وهونداي)

امس زارتني ام محمود واخبرتني انه ابنها سلامة اشترى باص هونداي صغير وانه بده يشتغل عليه عالخطوقالت انه سلامه مش نافع بقرايته مع انها ما شافت اذكى منه واحسن شي يشوفله شغله حتى يحوش منها ويقدر يفتح بيت واضافت احنا جوزنا بس انتي عارفة يا بسمة البيت بده مصاريفالمهم انها ام محمود خلتني اطلع عالبلكونة واشوف باص سلامة الجديدكان الباص مزينا مثل عروس مجلوة عليه الوان وكتابات وورد ومكتوب عليه عبارات (يا ناس يا شر كفاية قر) و(لا تلحقني مخطوبة )، وكمان سلسلة عليكوم خرز ازرق خوفا من الحسدام محمود تخاف من الحسد خوفا فظيعا لدرجة الوسوسةوهي تبالغ في خوفها كانت اذا عطس احد اولادها او احفادها تقول محسود وتقوم تجيب خبزة وتتمتم عليها بصوت لا اسمعهانا شخصيا اؤمن بالحسد ولكن ليس الى درجة الوسوسة وتنغيص حياتي فالحسد موجود والتحصين موجود بآيات الله ، وبالاخر لن يصيبنا الا ما كتب الله لناالمهم شربت ام محمود القهوة مع امي وقالت وهي تدخن سيجارتها الهيشي: يا ام سامي الناس صارت عينهم فارغة وانا خايفة على سلامة من هالباصقالتلها امي: هو مش يعرف يسوق مليح؟توكلي على الله يا مستورةاخبركم سر سلامة اشترى الرخصة بالواسطة بس اوعوا حدا منكم يقول لام محمود اني خبرتكم( بزعل منكم وابطل اكمل الحكايات)ام محمود بعد ما قعدت وجابت اخبار الحي كله من عند الست ميسر لغاية بنت ابو ربحي اللي بارت وعنست ، قالت لأمي : بالله يا أم سامي ما القى عندك كيس ملح الدكانة مسكرة وبس نشتري نرده الكماعطتها امي كيس ملح كامل ونزلت ام محمود وصارت ترش عالباص ملح وهي تقول :رشينالكم ملح يا اهل الوجوه الكلح احنا وياكم صلحسالت امي فقالت انها ترقي الباص من عيون الجن بعد ما رقته من عيون الانسبالليل سمعنا صراخ من جهة دار ام محمود خرجنا نساله : خير شو فيه يا امين شو مال ستك تصرخ ؟؟!!!قال أمين بصوت متلجلج : عمي سلامة عمل حادث بالباص ودعس اثنين واحد مات والثاني مخطريا خسارة كيس الملح يا ام محمود!!!!!قام اقارب ام محمود باخذ عطوة عشائرية ، وبعد شهر افرج عن سلامة بكفالة بعد ان دفعت العشيرة كلها تعويضا لاهل المتوفي واجرة المستشفى للآخر بعد نجاته من الموت بأعجوبة، اما الباص فقد اصبح كوما من الخردة ،ولم يبق الا سلسلة الخرز الازرق سليمة