جيت ادور عالوطن
عبالي ارجع شي خمسين عام
ادور بالوطن عالوطن
ادور الزينات وعشوش الحمام
مشتاق بمه لختيار يتعكز ع ختيارة
وصبية تفتح الشباك مواربه
مشتاق للمة اولاد تلعب الكيزه
والسمرا ترد السلام
مشتاق ارجع صبي يصوط بالحارات
اسلم على الجيران والجارات
اه والف اه يا يمه شو تغير هالوطن
امبارح كنت صبي ينصب الفخه
ادور على كعكل واليوم ادور عالوطن
مشتاق لوجه امي
تعبي نقّبتها قلية وبطم
يمه وين الناس وليه ما هم الناس
وين العصافير وين الصبي
يقرا على ضو القمر
وين والف وين يمه جيت ادور عالوطن
ما لقيته يمكن هالوطن ضاع
وعلى الدنيا السلام
