غضب وسخط من المواطنين على وزارة الصحة

سواليف

اثار منشور لوزارة الصحة عبر مواقع التواصل الاجتماعي غضب متابعي صفات الوزارة.

ودعت وزارة الصحة في منشور لها الأردنيين الى شراء احتياجاتهم خارج أوقات الذروة، ليتمكنوا من تجنّب الازدحامات وانخفاض فرصة العدوى بفيروس كورونا.

مواطنون عبروا في ردودهم على المنشور عن غضبهم بسبب الوقت القصير الذي يمكن لهم قضاء احتياجاتهم فيه بعد الانتهاء من أعمالهم.

وبين المواطنون في ردودهم ان وزارة الصحة هي المتسببة في الازمة والازدحامات مطالبين بزيادة ساعات التجول.

فيما يلي بعض الردود على المنشور :

** ولكم ول عليكم الواحد لو بروح ع 8 الصبح عشان يجيب اغراض بلاقي ازمه و مليان ناس…. احكوا و انصحوا بطريقه منطقيه

** متى أوقات الذروة حددوها للناس.. وبعدين في ناس كثير بتكون مداومة من الصبح حتى الساعة الثانية أو الثالثة ظهراً وبعد ذلك ممكن تروح على السوق في وقت الذروة لأنه ما في وقت غير هذا الوقت.. الأصل إلغاء الحظر الجزئي والشامل حتى الناس تعرف تشتري في غير أوقات الذروة

**  والله ولا كأنكوا عايشين في هالبلد !! .. قال خارج أوقات الذروة …

** ديرو بالكو تفتحو المسجد لانه الي بيذكر ربنا هم الي بنشروا المرض ام الي فالسوق ما بنشرو المرض

** شكرا للحكومه الأردنية لانها خلت كل واحد عنده بنت تبيت عند بيت اهلها خميس على جمعة على سبت ..  اللمه العيله حلوه

** من صنع الذروه. انتم وقراراتكم انتم سبب البلاء والتجمعات فشلتم بأدارة الازمه وبتجوا بنهايه بتحكوا المواطن هو السبب من خلق السبب الذي جعل المواطنين يتجمعوا بهذا الشكل أليس انتم أليس انتم

** ننصحكم باقناع السلطات بفك الحجر والحظر لانه زايد ساعات الذروه

** ممكن تقسمونا على الوقت احنا بالزرقاء 2 مليون، ومعانا من الساعة ستة للساعة ستة، يعني كل 100000 بطلعلهم ساعة يعني راح تظل ازمة مع العلم انه المحلات والناس بتبلش من الساعة التاسعة يعني زيد الازمة كمان.

** مددوا الوقت منتلاشى الذروةالناس بتروح من شغلها الساعه 3 ، معها لغاية الساعة 6 تشتري أغراض كيف بدها تتلاشى الذروة؟؟

**حاولو تمددو ساعات عمل المحلات الاساسية … بيخلص وقتها الزحام …
لانو الكل بيخلص دوامو مع بعض و بيضل ساعة وحدة بس للتسوق و قضاء الحاجات … تفكيركم ابدا مش منطقي


**متى أوقات الذروة حددوها للناس.. وبعدين في ناس كثير بتكون مداومة من الصبح حتى الساعة الثانية أو الثالثة ظهراً وبعد ذلك ممكن تروح على السوق في وقت الذروة لأنه ما في وقت غير هذا الوقت.. الأصل إلغاء الحظر الجزئي والشامل حتى الناس تعرف تشتري في غير أوقات الذروة

**ممكن تقسمونا على الوقت احنا بالزرقاء 2 مليون ومعانا من الساعه سته للساعه سته يعني كل 100000 بطلعلهم ساعه يعني راح تظل ازمه مع العلم انه المحلات والناس بتبلش من الساعه التاسعه يعني زيد الازمه كمان

**ع اساس في وقت نطلع اصلاوالا في مصاري ناكللا خليتوا الشعب يشتغل ولا قضيتوا ع الكورونا



اظهر المزيد

مقالات ذات صلة

اترك رداً

زر الذهاب إلى الأعلى