طبطبة

طبطبة
وليد عليمات

مرة زمان كنت بدي أشتري بطيخة.. فوقفت عند معرش.. اجا علي البياع منفعل شوي
وحكالي : بدك تشتري وإلا بدك #اتطبطب..

خليت حالي منفعل وسألته
: إنت بتبيع مشايلة وإلا على السكين؟
حكالي: ببيع مشايلة
حكيتله: معناته لازم اطبطب..
مهو المعادلة السياسية هيك بتحكي
صار يضحك الزلمة وحكالي خلص ببيعك ع السكين…

بس أنا عشان أكون صاحب مبدأ أصريت أنه أخذها مشايلة..
شو موقفي بين الأمم المتحدة.. لم تتزعزع الثقة باختياراتي.. أنا خبير استراتيجي بالطبطبة..
أخذت البطيخة.. وروحت ولما فتحتها.. لقيتها من جوة جميد..
لما أجيت اشتري مرة ثانية (أعمل تعديل) سألني البياع..

مقالات ذات صلة

كيف البطيخة المرة الماضية؟ طبعا كبريائي السياسي خلاني احكيله حمرة سكر..
حكالي: كنت بدي ابيعك ع السكين.. بس كونك خبير طبطبة نقي إنت.
وأخذت بطيخة.. وبرضه طلعت من جوة شبه #شعر_ترامب
.
في الحقيقة أن تكرار الطبطبة.. جابت إلنا ناس يديروا البلد مش عارفين يديروا حالهم.. ولكن كبرياء النهج مصر على هذه الطبطبة ولا يعترف بالفشل..
عشان هيك ما عندنا مسؤول اجا عالسكين
.
#ع_السكين يا بطيخ

#وليد_عليمات

اظهر المزيد

مقالات ذات صلة

اترك رداً

زر الذهاب إلى الأعلى