يوميات عقله
(تبييض بشره)
عقله راجع من برا عرقان وبلاهث من التعب ولما وصل قعد على الحجر اللي بقاع الدار
شافته مرته واجت ركاض … خايف عليه
المره :شو مالك يا زلمه شو صاير مالك نفسك مقطوع خير
عقله:من وين بده ييجي الخير بهالبلد
المره:يا زلمه شو صاير شو في
عقله:اسمعي بتعرفي حدى من جاراتج ولا من معارفج بتعمل خلطات
المره:ايوه … خلطات … وانا بقول مالك منهد حيلك … لويش الخلطات يا زلمه … بدك تتجوز يا عقله
عقله :اسمعي يا مره ترى طلاقج قرب كل ما صار معي شغله بتجيبي طاري الجيزه
المره: لعاد شو القصه
عقله:بتتذكري لما قلتلج بدي اساوي حزب سياسي
المره: اه بتذكر .. بس شو دخل الحزب بالخلطات .
عقله:ما اني لديت بوجوه الناس اللي بدهم يشاركو معنا بالحزب لقيتهم نصهم سمر ونصهم حنطيين …
المره: طيب شو دخل الخلطات بالناس اللي معك
عقله:بدي اشتريلهم خلطات تبييض بشره عشان يصيروا بيض او شقر
المره:لويش هالغلبه وهالمصاريف
عقله : ما هي الحكومه رفضت ترخيص حزب اعضاؤه من اصحاب البشره السمرا … وبخاف كمان يرفضوا حزبنا ولازم نعمل تبييض بشره لكل الاعضاء
المره:طيب شو دخل لون البشره بالاحزاب والعمل السياسي
عقله :عاد فهمي هالب……..!!!!!!!
