زواتي .. ضريبة مقطوعة ولا ضرائب جديدة على المحروقات .. والأردنيون يردّون

سواليف
صرحت وزيرة الطاقة هالة زواتي اليوم الاثنين ، أن الحكومة لن تفرض ضرائب جديدة على المحروقات، ولن تحمّل المواطنين كلفاً زائدة.
وأوضحت زواتي أنّ توجّه الحكومة إلى استبدال الضريبة النسبيّة بالضريبة المقطوعة لا يعني زيادة كلف المحروقات على المواطنين، بل على العكس من شأنه أن يحميهم من زيادة الكلف في حال ارتفاع أسعار المشتقّات النفطيّة عالميّاً.

وشدّدت على أنّ الغاية من تحويل الضريبة النسبيّة إلى مقطوعة ليست الجباية بقدر ما هي تنظيم للعمليّة، لافتة إلى أنّ الضريبة المقطوعة لها أثر إيجابي على الخزينة دون تحميل المواطنين أيّ كلف إضافيّة.

تصريحات زواتي حول الضريبة المقطوعة اثارت الأردنيين عبر مواقع التواصل الاجتماعي حيث ضجت بالتعليقات الغاضية والمستهجنة ، والتي استغربت في نفس الوقت الاستغفال الحكومي للاردنيين ومحاولة الضحك على الذقونوالالتفاف عليهم بضرائب جديدة ،
رصدنا بعض ما جاء في التعليقات :

** ابصر بشو بدها تبدلها اكيد بدل خبز او بدل اكسجين او بدل مياه او كهرباء
في عدة خيارات عطوفتك 😒
او اقلك حطي ضريبة على الي بيخلف اكثر من اثنين
مشان نتربى

** بتحسها وهي بتسولف تقول طالعة صبحية مع الجارات

**بضحكو علينا وبفلمو علينا والعالم الله انهم باعونا

**على أساس مش فاهمين.. زياده لكن بطريقه خبيثه

**رح تبدلها بضريبة ذات مسمى ٱخر … تستطيع بعد فترة من الزمن زيادتها على الفاتورة

** يعني راح يتغير اسم الضريبة ..نسميها ضريبة بواجي

** شو يعني فهمونا بعرض المفتي بطلنا نتحمل اي مصاريف زيادة

** ما انتوا مثبتينو على أعلى سعر …شو اخبار اتفاقيه العراق

**معناته النفط رح يضل ينزل سعره عالميا.بدهم يحفظوا حقهم

** ليش هو كلام اليل مدهون بزبده وين كلام أمام النواب ولا فقط استهلاك اعلامي

** الله لا يكثر خير هل حكومات الفاشلة .. بتمن علينا يعني .. اي هو انتوا خليتوا ضرايب وما حطيتوها

**يعني بدك اتحملي الشعب جميله يعني طلعتو اشاعه باحتمال وجود ضريبه على المحروقات وبعد هيك طلعتي بهيك تصريح مشان نحكي كثر الله خيركو ..ترا النفط بسجل ادنى أسعار يعني لازم اتنزلو الاسعار ..افلامكو فهمناها العبو غيرها

**يختي يزواتي النفط بنزل عالميا بس انتو ما بتنزلوا عنا
وانو ما بدكوا تحطوا ضرايب فهاي مش مكرمه

** زواتي من وين هذه . وامس قالت بتعطي كهرباء للبنان والله زين طب ليش غالية علينا . والغاز عنا شغالين فيه بالريشة وفي انتاج منه واحنا نايمين يقولو ما عنا غاز ولا بترول..!!!

** طيب في احداث كثيرة .! وعم بلهو فينا عن القضايا الكبيرة مثل قضية الدخان وعوني مطيع وغيره على أساس كان في محاكمة علنية بتاريخ 2019/2/20 شو صار لا نعرف .. حفظت القضية ضد مجهول ويمكن طلع عوني مطيع وغيره مثل يوسف حسني العلاونه .

** بضلهم يستخفوا بعقول الناس وبفكروا أنهم لحالهم بفهموا . وهيه المحروقات كل سعرها بالاردن عباره عن جبايه كبيره

** انت هكذا بتفرضي ضريبه ثابته مئه بالمئه لانه سعر التر تقريبا نفس قيمة الضريبه المقطوعه كمعدل متوسط ….معناته جهزي حالك تروحي عالبيت

** لقد تبين … كيف أن حكومات البنكيين الليبراليين الجدد … ومع تكتلات أحلاف الرأسماليةو البرلمانية وأدعياء المدنية … قد أطبقت الحصار الأقتصادي المعيشي الخانق على رقاب الأردنيين … وعاشت أرادة الأردنيين الأحرار … والكرامة المعيشية الوطنية للأردنيين …

** يعني ما عندكم أي تفكير ثاني غير الضرائب والرسوم الإضافية .. قدموا خدمات للمواطنين مقابل الضرائب اللي صار لها أكثر من ٣٠ سنة ..

** الضريبة المقطوعة على المحروقات هاي عندك مش ضريبة؟؟؟؟

** هي لضمان حصة الحرامية حتى لو نزل النفط

** لااا بدها زقفة … لا لا جد بحكي …
انتو ع اساس مو عارفين من الاول انه ما في ضرائب جديدة بدكم تحطوها او كلف زيادة ،..
منتو عارفين بس القصة عشان تجتمعوا ومصاري ع الجلسات والاجتماعات ..
وعشان تخوفوا الشعب من القرار بعدين تحكوا انه ما بدنا نزيد …
ف احنا بنصير نشكركم وننبسط عليكم ونزقفلكم …
بس اللي مش عارفينه لسا انه الشعب مش مهتم للموضوع لانه مستواه الفكري صار اعلى بمراحل من التمثيليات اللي بتعملوها

** ومع هيك واحتياطا رح نصير نعبي بنزين مهرب لحتى يصير سعر تنكة البنزين مطابق للسعر العالمي يعني حاليا مايتجاوز ال6دنانير
والديزل4 دنانير

**نجحت القرود في السيطرة على السيارة
لكنها عجزت عن قيادتها !
السيطرة لا تعني القيادة ، كما هو في عالم البشر .
المسيطرون كثيرون ، لكن القادة نادرون !

**مش معقول …والموظفين الجدد من اين روآتبهم ….والحكومه بتصيح معندنآش موآرد …لآ…. ارفعو علينآ الضرآيب اسهل عليكم

** لقد تبين … كيف أن حكومات البنكيين الليبراليين الجدد … ومع تكتلات أحلاف الرأسماليةو البرلمانية وأدعياء المدنية … قد أطبقت الحصار الأقتصادي المعيشي الخانق على رقاب الأردنيين … وعاشت أرادة الأردنيين الأحرار … والكرامة المعيشية الوطنية للأردنيين …

**ههههههههه مصدقينك….بس انا عتبان ع شعب مثل شعب الاردن العظيم ومتحملكو

** يا اخي الدوله مستهبله الشعب.. لا رقيب ولا حسيب ع المسؤولين الفاسدين اللي نهبو البلد..
ونقول اهم شي الامن والامان

** صرنا حافظين الدرس ..صارو يفقعو اشاعة الرفع لمدة معينة ثم ينفو ..حتى يعتبر ما فعلوه انجاز حكومي ..وطبعا بين كل رفعة ورفعة في رفعة حقيقية