زواتي: ثبتنا الكاز إحساسا بالأردنيين .. والأردنيون يردّون

سواليف – رصد

قالت وزيرة الطاقة والثروة المعدنية هالة زواتي ، إن قرار تثبيت الكاز خلال الأشهر الأربعة الأولى من 2019، جاء إحساسا بالأردنيين.
وقالت زواتي عبر حسابها على “تويتر”: “الهدف من القرار هو الإحساس باخواننا اللي الكاز مهم جدا لهم بالشتاء، والقرار يحميهم من أي ارتفاعات مستقبلية خلال الشتاء”.

وأضافت “وان انخفض السعر في الاشهر الاربعة القادمة سنخفض السعر ولكن ان ارتفع السعر عالميا فلن نرفعه محليا”.

ومن أن نشر الخبر عبر المواقع الاخبارية ، انتشرت التعليقلت التي ترد على تصريحات زواتي ، رصد موقع سواليف بعضا منها :

** زواتي بتقول ثبتنا الكاز احساسا منا بالاردنيين..ليش خالتوا انتي من وين.وكيف لو الكاز مهو مخلوط بميه

**وزيرة الطاقة هالة زواتي: ثبتنا الكاز إحساسا بالأردنيين!
نشكر لطفك وكرمك علينا نحن جيرانك الأردنيين.

**اللي بيحمل زجاجة مياه فارغه وبيوقف على الكازيه مشان يدفي أطفاله وبيرجع على البيت مكسور الخاطر ما بعتقد معاليكي حاسه فيه بس صدقيني عم يتحسب عليكي بكل خطوة بيمشيها ….حسبنا الله و نعم الوكيل

**ههههه… ما هو النفط نزل سعره 50%… مفكريننا هنووود

**يا لطيف تلطف ثبتيه الله يثبت علينا العقل والدين بدريش شلون بتفكري قال ثبتنا احساسا بالمواطنين المواطنين ما بدهم تثبيت المواطنين بدهم تخفضوا ع الاخر

**حكومة مشاعر الرئيس يندهش والوزراء بتحس وبتحسس

**فضلتي علينا .ما هو الكاز عالميا صار البرميل بدينار وتتحسنوا علينا..فعلا احنا شعب شحاد

**اصلا سعره غالي ولو كنتم تفكرون بالمواطن يا غشاشين كنتم ازلتم الضريبه بشكل مطلق عن الوقود للتدفئه اسوه بدول كتيره بس انتم تعيشون وتستدفون والاخرين الله يردهم وهكذا تقوم الغالبيه العظمى بالحقد عليكم لما تتنعمون به من قوت الشعب وهم يعانون الامرين سحقا لكم بامن انتم فوق

**بحسهم يجتمعوا و يحكوا شو بدنا نسوي تصاريح تستفز سما هالهبايل!

**ثبتوه وقت نزل سعر البترول عالميا القرار اتخذ بلحظة من الجهات العليا لضمان تحقيق ارباح عاليه بتبيعوا المحروقات كانه احتكار وحرمنه

**اعتقد سعره العادل لا يتجاوز ٥ إلى ٦ دينار
ومعروف نستخدم الكاز معاليك شو وضعه

**مزبوط يا حساسة .. عشان اتشلو عرضهم للاردنيين

**احنا ما بدنا تحسوا فينا
بدنا تشموا على حالكوا وتتركونا بحالنا
المقصود من هذا القول بذلك انة ريحة الكاز مفيدة

**تقول تشحدنا من دار ابوها لا خيه دافعين حقو مسبقا اضعاف مضاعفه ما تتجملي على الشعب بكيفنا قاعدين نصرف عليكو لحتى نحافظ على هيبتنا

**اعتقد سعره العادل لا يتجاوز ٥ إلى ٦ دينار
ومعروف نستخدم الكاز معاليك شو وضعه
ما في داعي تربحو فيه
قرشين الكم وزيهم للكازية على اللتر خير وبركة
المهم برنت تحت ٥٥ اليوم بلتفى فرق اسعار المحروقات
ونزول المشتقات ١٨%

** لازم يكون عليه دعم اكثر من الحكومه وينزل سعرو ٢٥ قرش عشان الناس تتدفً

**اصلآ الصوبه عندي بتشتغل ع الاحساس.. الأسبوع الماضي عبيت تنكة احساس خلصت بعد يومين 😠
يا رب الاحساس يرخص شوي 🤪

**اجمل احساس…..الله يارب يعطيك اياه هذا الاحساس عندما تقفين بين يدي الرحمن وما يحرمك اياه كما تشعرين بالفقير

** بصراحه مش عارف اودي جمايلكم وين 😊

**تأكيداً لما تقول صاحبة المعالي وزيرة الطاقة اطال الله بعمرها وحفظها ورعاهها (( احساسا بالأردنيين)) يعني افهم من معاليكي ان اربع ارباع وزرائنا غير اردنيين الله يوفقكما ذخرا للأردنيين ونشكر من قام باستيرادكم لتكونوا وزراء للأردنيين فأنتم أهل الكرم واصحاب القلوب الرحيمة وصعب عليكم وضع الأردنيين ربنا يديمها من نعمة علينا

**دمعت عيني …. وسمعها شخص كان داخل المدينة فتأثر كثيرآ وغادر مسلمآ وهو يقول خافوا الله في أخرة …

** يكثر خيرك الي بتحسي بالاردنيين الأشقاء كأنك من دولة ثانية. وزراء وما بيعرفو يصرحو مين دور عليكي وجابك وزيرة

**لا والله مهو نازل بالعالم كله وانتو ثبتوه عمين بتضحكو بتضحكو على حالكو

**ليه ما نزلتو سعره احساسا بالاردنيين كل شي نزلتوه وثبتو اهم اشي الكاز

**والله حاس حالي هندي…او من المريخ…شو تثبتوا السعر…مهو نازل من 4 شهور المفروض ينزل مو تثبتوا….ومحملانا جميله كمان…والسؤال القوي…ليش بس بالشتا برتفع الكاز وبتثبت وما بنزل…. اي احساس بالمو اطن الفقير…انتوا لولا الفقراء ما بتعيشوا اصلا

**الله يكثر خيركم…….
بس على فكرة
سعر المشتقات النفطية لا يتوافق مع الاسعار العالمية للنفط، مع العلم ان اسعار النفط عالميا في هبوط حاد