رسالة من أهالي العقبة / احمد القحف

#رَّسأّلَةّ_مَنِ_أّهِأّلَيِّ_مَدِيِّنِةّ #أّلَعٌقِبِةّ
أّلَى جِمَيِّعٌ زِّوِأّر #مَدِيِّنِتّنِأّ_أّلَګرأّمَ بِمَنِأَّّسبِةّ #أّلَعٌطّلَةّ_أّلَصٌيِّفِّيِّةّ تّأّبِعٌ_أّلَقِرأّءةّ

نِرفِّقِ لَګمَ لَبِعٌض أّلَنِصٌأّئحٌ أّلَهِأّمَةّ نِرجِوِ أّخَذّهِأّ بِعٌيِّنِ أّلَأّعٌتّبِأّر أّثّنِأّء أَّّستّمَتّأّعٌګمَ بِزِّيِّأّرةّ مَدِيِّنِتّنِأّ أّلَحٌبِيِّبِةّ:
١. في فرق كثير كبير بين شورت السباحه و الملابس الداخلية (underwear ).. وانت بتسبح بالبحر / المسبح اوعك تنزل تسبح بملابسك الداخلية اللي هتبين لكل العالم الاسرار الخاصه فيك ،،، انت مابترضى انه اي حد يتمشى بحارتكم وهو لابس (underwear ) صح ؟ في عنا احنا كمان نسوان مابنحب انهم يتعرضو لهيك شخص بيتمشى بملابسه الداخلية ولا حتى انت بترضى لعيلتك تشوف حد غريب عنها لابس هيك

٢. #الاكل عالبحر حلو واله رونقه .. اتفضل واستمتع باي اكل انت بتحبه (مشاوي ، بزر، تشقحلك بطيخه كنت سايبها ساعتين تبورد من مية البحر ،،، يا بشر انشالله قاعد تمزمز بالمريس ) بس ياريت تنظف وراك قبل ماتقوم بشقفة كيس بلاستيك جيبه معك وحط المخلفات هاي بالزباله .. مافي داعي كل شوي نطلع المجموعات الكشفية والغواصين يشيلو هالبلاوي ويتصورو بالاخر جنب جبال زباله طلعوها من البحر والشط بسببك وبسبب غيرك اللي اتعاجز بس يلم وراه ال….. تبعه .

٣. ماتركض ورا صاحبك بين مقاعد وفرشات الناس ، لانك تقريبا بتذايقهم .. انسى كيف هما بيتطلعو عليك بعدها وكم مسبة بتلحقك

٤. يالله ما احسنك انت وصحابك وعيلتك لو تبطلو سولافة المراشقة بالمي وانتو عالبحر وتحممو كل اللي حواليكم.. مايصير انك تحمم خلق ربنا بمراشقتك بس عشان تنبسط .. يا اخي مابدنا نشاركك بمزحك انت وصحابك .

٥. بالنسبة للي دمهم خفيف كثير وبيحبو يغطسو راسهم بالبحر ويطلع صوت (بولولوم بولولوم ) كانه بيغرق والناس تتطلع عليه.. دير بالك يمكن تغرق جد وماحد يتطلع بخلقتك .. ويمكن تخوف الاطفال بخفة دمك الزايدة.

٦. ارجع اقرا رقم ٥ كمان مره

٧. نداء الى اصحاب #السيارات الخصوصية : في ثقافة جميله باهل وسكان العقبة انهم بيوقفو عند ممر المشاه .. التزم لو سمحت مش شطارة تزورق حالك وتدعسلك اكم من واحد بالغلط العقبة مدينه صغيرة واكبر مشوار بتوصله خلال ١٠ دقايق مافي داعي تصرصعنا معك

٨. نفس الكلام للزائرين المشاه ،، في عندكم ممر مشاه اوقف عليه شوي والسيارات راح توقفلك .. مش نلاقيك فجاة بنص الشارع او بتقطع ممر المشاه بدون ماتكلف نفسك توقفلك دقيقه او اثنين بس تتطلع يمين وشمال.. والله بنحكي لاجل سلامتك الشخصية انت وعائلتك

٩. الحمد لله عنا بالعقبة شغلانة #التطقيس #ورمي الحكي عالبنات يعني قليله .. والكل بيعرف بعض بهالعقبة واحتمالية انه يشوفك حد بيعرف #البنت او بيقربلها عالية جدا .. ومعها بتعلى احتمالية انه ينمسح بكرامتك الارض لو حبيت تعاكس بنات العالم .

١٠. نتمنى منك الالتزام بقاعدة رقم ٩ مجددا

١١. لو عندك #طفل صغير وعمره اربع سنين فما دون .. ياريت لبسه اشي قبل ماتنزله البحر ولا تنزله عريان .. هالشي مابيرضي الله لو كنت مسلم ، ولابيرضي الرب لو كنت مسيحي ، ولو كنت ملحد رجاءا لا تطلعنا من ديننا !!!!!!

١٢. في ناس بتحب تصيد هيك هالجسر وبتلاقي معها صنارة وخيط – زي الافلام بالزبط- … بالله عليك لا تضلك رايح جاي حواليه تقززه بعيشته .. لانها هواية صاحبها يمتاز بحب الهدوء .. ولو صاد سمكة لا تروح تركض عليه ورينا اياها وخليني اتصور معها واوريها لابني وامسكها لعيلتي ؟؟؟ شو يارجل ماشفت سمك قبل هيك .. الزلمه صاد سمكه مش مطلع صندوق ذهب !

١٣. لا تسال اي حد وين في #مساج بالعقبة .. عفكرة سكرو هالمحلات واللي بيسال عنها مشبوه بيكون بنظرنا .
ارجع اقرا كل اللي فوق .