قانون الجرائم الإلكترونية
من اليوم وطالع مشان ما يشملني هظاك القانون .. بدي أصير أكتب وأحكي بلغة الحراثين . يعني إذا خايس أو سُربة خايسين سرقوا ونهبوا لازم يتعاقبوا وينحطوا بالماخوذ تامنه الدود يبقّط إجنابهم . وبالنسبة للشُسمه أصلاً الناس رح تظلها تسولف ، لأنه بطّلت تفرق معها . مهو هيك هيك آخرتها على الماخوذ . وغد الكوارة بتهر هرة وحدة ، وكل إللّي بلبها بده يطلع لبرة . ونصيحة مني لهظولاك : حطوا الخاير بالماخوذ ، واخزوا الشيطان . ترى هاي سولافة طرمة ما حدا بعرف وشّو آخرتها غير رب العالمين
ملاحظة : لمن يرغب بتعلم لغة الحراثين . عليه مراجعة أقرب حاكورة أو زيتونة أو حتى حفنة حرث أحمر .
