#ديمقراطية_الراحلة_العظيمة_أمي
محمد عياش القرعان
مرة بالزمانات زُرت الراحلة العظيمة__أمي__طيب الله ثراها_وكان معي زرف فيه شوية بردقان هدية…
بعدني اول ما قعدت على فق****ي.. وسلمت عليها، ولا بتقولي يمّه تشرب شاي ولا قهوة؟!!!
ترى لو انك شايفني ختيارة بس اني ديموطراقية صح ههههه…😀
“يعني قصدها ديمقراطية”
_قلت يمه لا هاي ولا هاي ترى اني قرفان الشاي والقهوة….اذا فيه عندك كاكاو او نسكافيه او اذا فيه كباتشينو بكون احسن!!؟؟
قالت شو يمه هاي الكبنشينو، هاي اول مرة بسمع فيها!…والله هاظ اللي عندي يمه..يا شاي يا قهوة ما فيه غيرهن..طول عمرها الناس هيك بضيّفوا بعض؟!!!
_والله يمه انتي بلا مؤاخذه ديمقراطيتك ناقصة مثل ديمقراطية امريكا….
ما فيه عندهم خيارات اخرى ..يا إما مرشح الحزب الجمهوري او مرشح الحزب الديمقراطي بس… ومكيفين على حالهم وبقولوا عنا ديمقراطية، والعاهات اللي عنا مصدقينهم ومكيفين عليهم، وصرعونا بامريكا وديمقراطيتها المزعومة…لو كانوا صادقين فعلا كان شفنا خيارات أُخرى مش (أَخرى)!!!
__هو يمّه فكنا منك ومن فسفلتك هاي عاد، واني شو دخلني بامريكا..انت دايما هيك خلف خلاف وما بعجبك العجب …هاظ اللي عندي خيوه، اذا مش عاجبك لا تشرب ترى بتوفّر!!!
خلص يمه أني اسف وحقّك علي… وأمري لله.. خلص سويلي شاي بميرمية اذا انك مُصرّة…. وهاظا هو ….وانتهى اللقاء.
(للعلم الحوار غير حقيقي)
