دعوات شعبية لمقاطعة البندورة

سواليف – رصد

دعت حملة المقاطعة الاردنية الى مقاطعة البندورة لمدة ثلاث ايام .
و دشن ناشطون اردنيون، على مواقع التواصل الاجتماعي، حملة لمقاطعة البندورة في الاسواق الأردنية خلال اليومين المقبلين، بعد وصولها لأسعار “خيالية”. وقال ناشطون في الحملة : ” قاطعوا البندورة فقط 3 ايام من يوم غد الخميس، لمساء السبت، خلي بندورة المحتكرين تتلف وتذهب الى الحاويات”.
وشهدت اسعار الخضار ارتفاعا ملموسا في الاسعار بعد عطلة عيد الاضحى المبارك ، الا ان البندورة والتي يعتمد عليها المواطن الأردني في غذائه شهدت ارتفاعا كبيرا تجاوز سعر الكيلو غرام منها الدينار .

سواليف رصدت بعض التعليقات على الدعوة لمقاطعة البندورة منها

* شبه البندورة اللي في السوق بتشجع عالمقاطعة والله
قاطع البندورة الرديئة تحصل على بندورة نظيفة بسعر أقل
زمان ما سمعنا #تم

* مبارح مرقت ع سوق الخضره عنا بالهاشمي مشان اشتري بندورة
اتفاجئت انو سعر الكيلو بيتراوح بين 75 قرش لدينار !!
قمت لفيت ورجعت
#قاطع البندورة
#تم

*

* #شعب شاطر يتشكون ويتفلسف على الفاضي يااخي خلص رفعوا البندورة لا تشتري قاطع البندوره مدة ثلاث أيام ولم تخمج تصير البكسه بربع دينار

*

* قال بيقولوا قاطع البندورة بترخص طيب انا لما اقاطع البندوره لانها غالية طيب شو بدنا ناكل زهرة الكيلو بدينار خيار الكيلو 80 قرش معظم الخضروات غالية واللحم والدجاج غالي حلوها انتم والا خلي المومني يحلها وعجبي

* دعوة مقاطعة البندورة سذاجة فكر.
لنقاطع السماسرة ونشتري من المزارع مباشرة لندعمه..!

*

* إذا الشعب يوما أراد الحياه .. فلا بد من مقاطعة البندورة. . لا كرامه مع قلاية البندورة غذاء الفقير

* على بركة الله مقاطعة البندورة اتقو الله يا حكومة الملقي بلاش تصدير والناس تموت من الجوع