حِوار بين الرزاز وجرّة غاز
كامل عباسي
جلس دولته على مِنصة الضمان في مؤتمر صحفي كي يوضح ما الذي حدث وسيحدث بمصاري الضمان . كان اول المتحدثين جرّة غاز
دولتك انا وين ما اروح بتبهدل وانت عارف انا بفوت كل البيوت كل بيت بفوته بدفرني واحد برجله وست البيت بتقلي اول ما افوت مش اسبوعين وانك بلا عقل
طلباتك ست الجرّة
اولا بدي ترجعوني 16 كيلو ونص
حد علمي انك 16 ونص
لا دولتة هاض عالورق في الواقع وزني 12 ونص يعني اتبهدل مشان حضرتك تنبسط بفوت عالبيت اربع خمس طبخات واني بزغرت ببلشوا يخبطوني بالحفايات
حاول الرئيس يتململ قلتله لا تقاطعني الك كم سنة حاط اجريك بالحيط مدقر على السبعة لا دولتك السبع دنانير حق الغاز تلحلح شوي بلكي الاقي شوية احترام
مضيت هالعمر من بيت اشقع لبيت ارقع
صفن الرزاز وحط ايده على خده كاد ان يبكي وأشار بيده لرجل الأمن الملاصق لدولته وقال كلمه المشهورة ———————- وامر بإخرجها خراج القاعة وهي تذرف دموعها
وقف الرزاز اين كُنّا قبل الغاز
كُنّا دولتك بنقابة المعلمين وهنا صفق الجمهور لشجاعة الرئيس وصاح الديك ثلاث مرات
