#حوار
في صديق الي حكالي ،،،في حواليك شغل لابني الجامعي بالعقبة ؟؟
قلت والله منا خابر ،،،لكن اذا سمعت اي اشي بحكيلك !!
قال بس اذا لقيت شغل، شرط يكون الشغل ما فيه شغل !!!
قلت كيف هاي صارت ؟! ما فهمت عليك، وضّح لي اكثر، الله يرضى عليك، ترى عقلي مسكر ،،اليوم افطرت فول وبصل !!
قال ابني طول عمره مدلل، بنام وبصحى على كيفه، وما بحب الشغل اللي فيه تعب، وحدا يتأمّر عليه وهيكا، بدّه شغل مريح ومكتب مكيف، ويكون فيه هو سيد نفسه ….ما انت عارف اولاد اليوم يا رجل !!!
قلت اها قلتلي هيك لعاد !!!
انا بقولك احسن شغلة، تفتحله شركة وتحطّه فيها مدير عام !!
قال شو انت بتتخوث علينا يزم؟!
ما انت عارف البير وغطاه ؟!!
قلت اني اللي بتخوّث ولا انت، من وين بدّي الاقي شغل ما فيه شغل، لابنك المدلّل حبيب امّه ؟!!
حبيبي انا بقول خلّيه عند امه نايم احسنله، بلكي ساعدها بشغل البيت شوي، او خلّله عندك لما الله يفرجها ويلاقي شغل ما فيه شغل !!!
امّا حاجات بتجلط والله !!!
