جلب الحبيب
نفسي أفهم شو هي ( أخطاء الشيوخ الأخرى ) اللي بعالجوها المعالجين الروحانيين .
وإذا إنتوا قادرين على جلب الحبيب ورد المطلقة ، مشان الله اجلبولنا شوية نفط من باطن الأرض ، وساعتها والله غير ترجع المطلقة بدون جاهه ، وسايق عليكوا الله تحطوا مخافة الله بقلوب البشر اللي عملت جرايم حرقت قلوبنا ، اعملونا حجاب يجلب أموالنا المنهوبة ، اعملولنا سحر يرجع عقول بني يعرب اللي صاروا ( مطازيز ) بين الأمم .
وسيبكوا من أخطاء الشيوخ الأخرى ، ترى أخطاء العرب بدها محّاية بحجم زحل .
وبرجع بقول :
خذوا المكاسب والكراسي والوطن ، بس خلولي القهوة وتمر العزا ، ولا تنسوا الكفن .
