توجيهات ابو ربحي
وليد عليمات
عيلة أبو سمسم معزومين عند دار أبو ربحي عالافطار..
قبل ما يضرب المدفع قعدوا حولين السفرة اللي عليها أشكال الوان
أم ربحي : هاظ تمر (مجهول) جبناه بناء على توجيهات أبو ربحي..
هاظ الجاج المحشي.. حشيناه بناء على توجيهات ابو ربحي..
وهذي الكفتة.. لحمة بلدي.. عملناها بناء على توجيهات ابو ربحي..
وهذي المشاوي برضه بلدي حسب توجيهات ابو ربحي
والشوربات والسلطات والعصاير وكل شي احنا ماشيين بتوجهاته ابو ربحي..
.
أبو سمسم : ما شاء الله يا ابو ربحي مسيطر عالاخر
ابو ربحي (يوشوش ابو سمسم) : انت فاهم غلط… الاكل نصه محروق.. ونصه مالح ومحمض.. و بدهم واحد يلبسوه القصة ويعطوا #الشرعية لطبخاتهم
اللهم اني صائم
مطول الاذان 🤔🤔
