تعيين الروابدة في هيئة مديري مياه اليرموك يثير الجدل والغضب والتساؤلات / وثيقة

سواليف – رصد
تداول ناشطون عبر منصات التواصل الإجتماعي وثيقة صادرة عن هيئة المديرين في شركة مياه اليرموك توضح ن الهيئة العامة للشركة قررت في اجتماعها المنعقد بتاريخ 2 / 7 / 2010 اقالة رئيس هيئة المديرين المهندس توفيق الحباشنة وتعين الدكتور نادية الروابدة عضوا في هيئة المديرين .

ووفق مدير عام شركة مياه اليرموك المهندس منتصر المومني انه سيتم اجراء انتخابات لاختيار رئيس هيئة مديرين بعد انتهاء عقد الرئيس السابق المهندس توفيق الحباشنة مبينا ان اجراء الانتخابات لاختيار رئيس هيئة المديرية من المتوقع ان تتم الاسبوع القادم.

وتساءل الناشطون هل تعيين الروابدة مقدمة لخلافة توفيق الحباشنة والذي سيتبين خلال الأيام القادمة .

كما أثار تعيين الروابدة الجدل ، والتي لم يمض وقت طويل على تقاعدها من مؤسسة الضمان الاجتماعي ، حيث احتج المواطنون على اعادة تدوير المناصب بين المسؤولين السابقين ، وسط بطالة مرتفعة بين الكفاءات الأردنية اصحاب المؤهلات والشهادات العلمية العالية .
واعتبر آخرون عملية اعادة تعيين سابقين متقاعدين استفزاز للشعب والذي بات لا يحتمل المزيد من إثارة غضبه .

سواليف رصدت بعض التعليقات على تعيين ناديا الروابدة :

**الله اكبر
ما فيه عاطلين عن العمل
ما فيه كفاءات بالبلد
ما فيه غير اصحاب الملاين
حسبي الله ونعم الوكيل
والرزاز يقلك محاربه الفساد
واذا واحد حكى كلمه اطاله لسان

** هي شغلة مجاكرة فقط
بتسلو في الشعب اللي ما
بدنا إياه بحطوه وبرجع في منصب آخر

** تسولفوا من هان بمليون سنه ماحدا معبركو بدهم يحطو الي يحطوه ويعينو الي يعينوه وبدهم يسووا الي فبالهم ومش سائلين عن حدا لاشعب ولا مواطن

** نقلو فيهم بالمناصب… على كل جنب…. واحنا عالدور عالتربية والصحة والاشغال… حتى الامانه يدوب يطلع لاولادنا عامل وطن… اماهم واولادهم… يدرسون في انجلترا على حسابنا ويتعالجون بالمانيا وعلى حسابنا.. يتعينون برواتب ٢٤٠٠د.. وعلى حسابنا…

** لا حول ولا قوة الا بالله
يعني وين نروح وين نهج وين نطش
نشق هدومنا ننتحر شو نعمل يا ناس؟ وبعدين ما اخت هالسالفه

**تقاسموا البلد واحنا سفرونا على غير مكان
خلص بطلنا نعيش معاكم هون عشان ما تتضايقوا

** الحكومه بتجاكر بالشعب وتتحدى فيه

**يلا..من الضمان للمياه…فش غيرهم
بدكم أكثر من هيك استفزاز
هم ثم أولادهم ثم أحفادهم

** من الضمان للمياه بكره على الصرف الصحي وبعده مستشاره أبصر وين
لا حول ولا قوة الا بالله

**والله تحكي البلد هي بس لاشخاص معينين هما وولادهم … وباقي الشعب بس عمال

** مزرعتهم وهم حرين فيها
احنا مجرد عبيد نحرث ليل نهار

** بقول وزير الدوله انه ما في واسطات لا يعلم أن المناصب وراثه

**والله الواحد مهو عارف شو يحكي.. بدل ما تحطوا ناس جداد بتعينوا متقاعدين ولا بس تنفيعات

** مبارك ماهو البلد خاليه من الكفاءات مافيها اي شخص يستحق هذه المناصب كل مسؤل اعملوله اعاده تدوير

**مزرعة واحنا ما النا داعي بالبلد

**