تسالي رمضانية في المرحلة الكورونية / يوسف غيشان
سوف أتخلى اليوم عن وقاري المزيف أصلا، وأحاول تسليتكم على طريقة التلفزيونات العربية. ها هي أمثال شعبية اردنية وقد قمت بتحريفها (عينك عينك) وما عليك عزيزي القارئ الا محاولة إعادتها الى أصلها في مرحلة ما قبل الكورونا على سبيل التسلية الرمضانية فقط لا غير.
-كورونا ولا اتعشّونا
-دنياك لن كورنتلك يا همّلالي
-اللي ما ليه كورونا لا يتعب ولا يشقى
-اللي بدري بدري واللي ما بدري بقول كف كورونا.
-يا طالب التونا من جوّا الكورونا.
-سنة الكورونا بعشرين قيراط.
-أجت الخيل تتحذّى راح الكوفيد مد رجله.
-قوم بكّير ونام بكير وشوف الكورونا كيف بتصير.
-رضينا بالكورونا والكورونا ما رضيت بينا.
-عند العقرب لا تقرب وعند الكورونا افرش ونام.
-التفّ الكوفيد ع خايب الرجا.
-اللي بالقدر بتطوله الكورونا.
-اللي بيته من قزاز ما يرمي الكورونا بحجار.
-اللي ما بخاف الكورونا خاف منّه.
-اللي ما بشوف من ورا الكورونا أعمى.
-اللي ما بلاقي بالكوفيد عيب، بقولله يا احمر الخدين.
-الكورونا اللي ما بتيجي معاك تعال معها.
-اللي مش ضاري عالكوفيد خشمه بينحرق.
-اتطلّع في وجه الكورونا قبل ما تحلبها.
-اللي بجالس الكوفيد بتحمّل شراره.
-امسل بالقرميد تايجيك الكوفيد.
-ان تفيت تحت عالكوفيد وان تفيت لفوق عالكورونا.
-الباب اللي بيجيكو منه كورونا سدّوه استنونا.
-دوّر ع كورونا بسوق الغزالات.
– بيحب الكبرة ولو عكوفيد.
-برطل الكورونا ولا تبرطل اللي بيحجزونا.
– بتقولّه كوفيد بقولك احلبوه.
كورونا كورونا مثل ما رحتو شرفتونا.
-الكوفيد ضيّق والحمار رفّاس.
-راح كورونا رجه كوفي.
والبقية لن تأتي.
