وفاة أسد اليادودة
على فكره مات أسد اليادودة وهو مش مقتنع باللامركزية . وافلام المراهقين بحجب الثقة.
مرة من المرات رحت على الحديقة قال لي هات لي باكيت دخان من الدكانة اللي ورانا حلوان شغل ابنك خليل.
قلت له تكرم ، بجبلك بس على شرط تقول لي شو اللى مخليك يا ابو السوس مزهزه ومبسوط .
قالي مكيف ومبسوط عشان بدهم ينقلونا على عمان الجديدة (عاصمة البلوبيف).
صدقوني كان بعرف بوضع البلد اكثر من بعض نواب الامة .
صدقوني يا اخوان وما الكم علي يمين انه هو اول واحد حكى لي عن الصوت الواحد انه رايح يخرب بيت البلد.
بالزيارة الاخيرة للحديقة قالي قلبي حاسني انهم رايحين يغلوا الخبز،
قلتله انت شو دخلك بالخبز انت ياعم من تبعين اللحمة .
قالي لحمة ؟؟ّ!! لحمة ايش؟
انت على مين بتتخوث يا ابو صقر، لما توكلوها انتو بالاول.
( تنحنحت وولعت له سيجارة وعملت حالي مش سامع )
وقلتله لعاد شو بطعموك ؟
قال لي زيكو .
