دعاني احد الاصدقاء الى عشاء وقال المعزومين كم واحد فلبست البدلة اليتيمة وحلقت ذقني ثلاث مرات وواحدة بالشقلوب وفشلت في لبس ربطة العنق وذهبت لتبية الدعوة وما ان دخلت بيت صديقي حتى التقيت مع نائب ٠قلت والله فرصة سلمت وجلست وبادرته بكلام مجاملة قلت ما تعرفنا حضرتك هون تقول لبته بمطرق رمان تغيرت ملامحه قال بغضب شو انت ما بتعرفني قلت بلا صغرة ليش اعرفك ومين انت قال انا نائب ٠ قلت
نائب شو نائب مدير بشركة نائب مدير مدرسة هون صار يزبد وعيونه تقدح شرار يا اخي مع شوية هدوء انا نائب بالبرلمان
صفنت بصباحه قلت هاي اول مرة اسمع انه عندنا برلمان عن جد عندنا برلمان هنا قرع جرس الباب ودخل كاتب سحيج درجة اولى خاصة سلم معابطة مع النائب ولد عليه مالك منتش على بعضك خير ٠يا رجل انا مش عارف هذا الزلمة ما بعرف انه عندنا نواب قلت ومين الاخ فط النائب وقال انا ما عرفتني امر الله وهذا اكبر واهم كاتب بالرأي كمان ما بتعرفه قلت رأي شو من غير شر ليش انت الك راي هون فقعت مع الاثنين مع دخول المعزب الذي كان مشغول بإعداد المنسف
مع دخول اربع نواب ورئيس بلدية هون اكتمل النصاب سلمنا عليهم وكان منهم واحد يعرفني جيدا فسلم معابطة ورئيس البلدية صديقي ٠
قله النائب اول واحد بتعرفه قله يا رجل هذا فلان اكثر واحد بالاردن بطعّم النواب خف علينا شوي والله مهو طالع بيدنا اشي منفاغر عالفاضي خلها بتبنها وجاء المنسف بالجميد الكركي صار النائب اول واحد يفت لحمة ويحط قدامي ، قلت اي قللي انه انت فلان هون غصّ بقطعة لحمة وتوقف الكلام.
