أبو قنوه ……..بالقنوه بدك تنتخب !!!! / نايف السليم

مساء الخير يا استاذ ……..قوك بالبدوي !!!!
اهلا وسهلا ابو قنوه ……..شايفك مشخص …ولابس مثل الفرسان ايام زمان يابو قنوه !!!!
أبو قنوه….. كنه مش عاجبك لباسي ولا شكلي يا استاذ ….انا بحب اغير ديكوري الشخصي دائما من شان اظل اجلب النظر للناس ما انت عارف انه انا نازل للانتخابات !!!!!
أه …..بلا زغره….. بعرف انك انهبلت وأم العبد لعبت بعقلك او نزلتك للبهدله والشرشحه !!!!
أبو قنوه ……انا مابتلعب بعقلي ….مره…. اصحى او صحصح معاي لا سطح رأسك بهالقنوه ….!!!
اخ أخ أخ ….الله لا يعطيك العافيه يابو قنوه …..راسي يامصخم ولا حبة شعر عليه !!!!
أبو قنوه …….هذي نقره بسيطه لتصحصح معاي !!!!
قال اسمعت انك مقاطع الانتخابات او مابدك تنتخب …..ياخوي ماهو انا اللي نازل اوين هالصحبه اللي بيني وبينك ……بدك تنتخب وبالقنوه ….مش على كيفك !!!!
هههههه ولك يابو قنوه …..ديمقراطيه او حريه …..أنا حر مابدي انتخب او انتخبك انت شريك مزاجي !!!!!
أبو قنوه ……ها… لعاد انا معتمد عليك ……تقود حملتي الانتخابيه ….وتشاركني مشروعي !!!!
ابو قنوه انت شكلت قائمه انتخابيه …..زي مابدهم ……..!!!!
ابو قنوه ……أه نعم …شكلتها …….!!!!ّ!
او مين هما بسلامتهم اللي وافقوك على جنانك ……..!!!!
أبو قنوه ….يازلمه القائمه أم العبد …وابني العبد أو جارنا هذا …اللي بجنينا ابو سعيد اعطيناه اكمن قرش لايوافق من شان تمشي عالبيعه !!!!
بس بدي اتأكد منك انك موافق تنتخبني انت والعيال ………!!!!!
ابو قنوه انت صاحي ولا سكران انا مقاطع هي الانتخابات بالقنوه ….مثل رئيس الهيئه اللي بقول اللي مقاطع بيرتكب جريمه وطنيه وبهالزمانات لمن كان معارض كان انادي بالمقاطعه ……الكرسي او حلاوته …الله يخرب بيت الكرسي مصيبه !!!!
أبو قنوه ……اسمع بدك تنتخبني غصبن عنك ولا والله لا بعرفك ولا تعرفني بالقنوه بالدبوس بالناموس بدك تنتخبني !!!!!
الكاتب والشاعر نايف السليم
Nayef_alslayem@yahoo.com