الريموت داخل البيجامة
وليد عليمات
زمان كنا أنا وأخواني اللي يسبق ويمسك الريموت كنترول هو اللي يتحكم بالسهرة..
انا كنت احطلهم على برامج زنخة او اخبار .. عشان يفقدوا الأمل وبزهقوا ويناموا..
بعدين اتفرج على اللي بدي اياه لحالي
واذا نعست قبلهم احط الريموت جوة بيجامتي وانام.. عشان اظل متحكم..
ذات ثورة وأثناء نوم المتحكم.. فزعوا عليه وهو نايم وشلحوه البيجامة.. واخذوا الريموت منه..
لما كبرنا صاروا يلعبونا بالبلد لعبة الريموت ويتحكموا في الرأي العام بس ما فزع ولا حدا.. عشان يشلحهم البيجامة.
