#بالعامية
#فاطمة_العفيشات
الدين مو بس عبارة عن جلباب ، حجاب، نقاب، لحية، ثوب او أي مظهر خارجي
لأ الدين إيمان باطني قلب أبيض، نية صافية بعيدة عن الخبث، مشاعر صادقة لا تحمل في ثناياها الخبث والحقد ، الدين انك ماتحشر أنفك بأمور غيرك وتحكي عليه وتحلل حياته وتراقبها ومافي على لسانك غير سيرته تحت مبدأ #بدك_مصلحته وانت تلف عالكل تحكي عنه وبالمقابل يلي بدك مصلحته ما تحكي معه شي ولا تناقشه بشي وبس تشوفه تضحك بوجهه ولا كأنك اكلت لحمه ميت، لو فعلاً بدك مصلحته بينك وبينه تحكي مو تنشر على العلن…
الدين في قول المصطفى عليه السلام “من ستر على مؤمن ستر الله عليه يوم القيامة”
والدين في حديثه “المسلم من سلم المسلمين من لسانه ويده” وأيضاً “لا يؤمن أحدكم حتى يحب لأخيه ما يحب لنفسه”
الدين انه أشوف افعالك وأخلاقك قبل لأشوف مظهرك
والدين انه تكوني أمامي مثل ما انت خلفي بعيداً عن المثاليات الزائفة وانت لا تملك ما يؤهلك ولو ١٪ لتكون مثالي…
للأسف كثير أشخاص لابسين عبائة الدين وفي منهم ممكن يعطيك دروس ومواعظ لكنه ما بطبقها على نفسه للأسف، مليان حقد وقلبه ونفسه مشوهين، وماشي بين الناس وهو يحكي #بدي_مصلحته…!!!
جميعنا بشر ونخطئ وخير الخطائين التوابين..
ارحمونا جد وبكفي لأنه قرفنا من هالنوعية يلي انتشروا وامتلأ المجتمع من سخافاتهم وقصص نفاقهم…
خليك بحالك واترك الناس بحالها اللي فيها مكفيها، للكون رب هو أعلم بالنفوس والنوايا
#اتمنى تكون وصلت أو كالعادة اعملوا سكرين شوت ووصلولهم…
#بكفي #ملينااااا