من وحي التقشف
جاري الحبيب صبري ابو كماشه …جابو معاه لقاء اول امبارح
على قناة المستوره الاخباريه وسالوه عن الوضع الاقتصادي ..
يعني وضعه هو وكيف مدبر حاله…
فرد عليهم معربدا ومولولا ومتذمرا ..
يا جماعة اذكروا الله ..وذرف دمعه..زغيرة…
كل يوم بدي ثلاث بوكيتات دخان ونفسين ارجيله
وست سبع ثمن تسع فناجين قهوة وفسكافيه..
بالله عليكوا …كيف بدي اعيييش اولادي …
صادق كيف بده يعيش اولاده…
اقلب الصفحه…
اهمل وزير بحكومتنا الرشيده في دولة فنحوسستان…رواتبه مع مخصصاته مع ضيافته مع مياوماته مع قهواته وبنزيناته وسياراته وسفرياته واعطياته وعلاواته مش اقل من خمسين الى سبعين الف دينار شهريا…غير عن بركه ايده واشي بفواتير واشي بدون فواتير…
وعزايم وحفلات …بس للعلم كله لمصلحه الوطن والنهوض بالعمل
اطقع مدير دائرة او جهاز او هيئة مستقلة او مش مستقلة
او مؤسسة حكومية او مجلس ادارة وما اكثرهم…
يتقاضى من اللي قلنا عنهن من اربعين الى خمسين الف دينار شهريا
…وفي ناس او ناسات عضو بعشرين مجلس ادارة بحكم عمله او عملها بوخذ شوال ابو خط احمر قروش كل اخر شهر…
نيجي عسكرتيرات وخدم وحشم وسواقين ومرافقين معاليه ومعاليها وسعادته وسعادتها وووووو…
انا اول مره اسمع عن سكرتيرات ارض بحر جو بتوخذ اربع تالاف نيره…
والسايق تبعه او تبعها ..مطلي بذهب و بتسعة غيار …مع الحوافز بوخذ الف وخمسميت نيره…
يعني بالعقل منين تجيب الكوا الحكومه قروش
مهي يا دوب مكفيه جماعتها وحبايبها…
لا وبالاخير ..
بيجيك نائب عدبم الاحساس عديم الوطنية عديم الانتماء
وبكل استهتار وعدم مسؤولية بيطالب بزيادة للموظفين عشر ليرات
يعني ..والله ما انا عارف شو اقول…
آآآآبيش عنده انتماء….
وك احنا بيش وانت بيش….
مش قلنا بدنا نتقشقف…اتقشقف…
