بسم الله الرحمن الرحيم
اتّق ِ الله في وطنك
نهيل الشقران
– بتعرفي يا زريفه؟ هاي فرصتنا نبيع البندورات والبطاطات بهالموسم بسعر عالي
– لويش خيّوه؟ هي أسعار الخضروات زادت ؟
– لا يا فهيمة، بس هسا في أزمة بالسوق وتهافت على المواد التموينيّة والخضروات، فهاي فرصتنا نتحكّم بالأسعار، لأنّه الناس بحاجة، وبإيش ما قلتيلهم بشتروا.
– والله إنّك صدمتني! إنت هيك بتفكر؟؟!! تستغل حاجة أخوك المواطن!!!! مهو المواطن جارك وعمّك وخالك وابن عمك!!!!
– يعني بدّك ياني عشان قرايبي ما أستفيد؟؟!!
– مش هيك يا ابن الأوادم، استفيد بس بالحلال، وبما يرضي الله، وبربح معقول، وتذكّر هالحديث النبوي الشريف ،” عن ابن عمر- رضي الله عنهما- عن النّبيّ صلّى الله عليه وسلّم – ، قال: “مَن احتكر طعاما أربعين ليلة، فقد برئ من الله تعالى وبرئ الله تعالى منه”
وتذكّر قول الله تعالى : ﴿ وَإِنْ كَانَ ذُو عُسْرَةٍ فَنَظِرَةٌ إِلَى مَيْسَرَةٍ وَأَنْ تَصَدَّقُوا خَيْرٌ لَكُمْ إِنْ كُنْتُمْ تَعْلَمُونَ ﴾
– صدق الله العظيم، والله إنك صادقة، خلص، عليها وجه الله الفقير لعطيه ببلاش، والباقي ببيعه بربح بسيط جدا ً يطلّع مصاريف المنتوج والرزق على الله.
– هسا انت عيني
– الله يجزيكي الخير يا زريفة قلبي، والله انّك نِعم الزوجة الصالحة
– ها وِلّا، هيك لازم تكون الزوجة، تبعد زوجها عن الحرام، وتذكّره إذا غاب اشي عن باله
