اتقوا الله بجنود الوطن

بسم الله الرحمن الرحيم
اتقوا الله بجنود الوطن
نهيل الشقران

– الله يعين هالدكاتره والممرضين علينا
– ليش شو مالنا ؟
– احنا ما مالناش اشي ، بس قوماكي فطاحل الفيس اللي قلبوا علماء وبكل شي بعرفوا
– الله يقطعهم ويقطع الفيس اللي ما جابلنا الا الاشياء التافهة
– لا والله الفيس ما اله دخل. الحق على اللي بستخدموه بشكل خاطئ
– شلون يعني ؟ فهمني
– في ناس بتستخدمه لاغراض كويسه، بتعلموا منه، وبطلعوا على أخبار العالم حواليهم، وبوخذوا الاشي المفيد وبتركوا الشيء السيء. والأهم ما بتدخلوا بأشياء ما بعرفوها
– طيب هسا شو دخل هالكلام بالدكاتره والممرضين؟؟؟
– يا بنت الحلال هضول اللي ضحوا بانفسهم ووقتهم وقربهم من اهلهم ما سلموا من الفلاسفه تبعين الفيس والواتس
بطلعوا عليهم دعايات ، حتى أكلهم وشربهم ما سلم من فطاحل الفيس
– شلون؟؟؟
– بطلعوا عليهم دعايات انه غداهم وعشاهم غير شكل
– ول حتى حاسدينهم علقمة الاكل؟؟؟
– شايفه ؟؟ لدرجة انه احد الممرضين اضطر يصور غداه وعشاه المسكين عشان يقنع الفطاحل
– ولا يصور ولا عباله وكل ممرض وكل طبيب اله مني كل الاحترام والتقدير
– ومني ومن كل مواطن شريف
بغار على مصلحة بلده
– وكمان ما بننسى نوجه تحية اجلال وإكبار لجلالة الملك وجيشنا الباسل
– طبعا ولحكومتنا اللي جهودها ما بقدر ينكرها حدا .
– يلا صبي شاي خلينا نروق روسنا

اظهر المزيد

مقالات ذات صلة

اترك رداً

زر الذهاب إلى الأعلى