#حذاء_يتوجع..؟؟

كتبت .. إيمان العكور
هالصورة مش من مجلة ..
ولا من بلد بعاني #مجاعة او #حروب
ولا هي #فوتوشوب.. او مشهد من فيلم
هالصورة لحذاء بتوجع
هالصورة اليوم صورتها خلال زيارتنا لتوزيع #ملابس_العيد والعيديات على مدرسة المخيبة الأساسية المختلطة في اجمل بقاع الأردن..على ضفاف نهر الأردن .
أكثر ما وجع قلبي انه لما طلبت من #الطفلة تقيس بوطها الجديد علشان نتاكد من النمرة.. وشفت اللي شفته
وما عرفت شو أحكي..
نزلت عيونها بسرعة وبكلمات خجولة حكتلي
( مس..هو كان كويس ..بس هسع اليوم خرب)..
يا اللللله شو بتوجع هالكلمات
اختصرت فيهم قهر وذل ووجع سنوات
وتركت حذائها يحكي عنها..
عل وعسى واحد من مسؤولينا اللي بنظَروا علينا طول الوقت انه مستقبلنا ماشاءالله بيضوي ضوي..عل وعسى يحسوا انه الواقع أسود شو ما حاولوا يلمعوه..
هذا اذا افترضنا انه اصلا عند مسؤولينا أي احساس ..
يا صغيرتي..ما تخجلي
كل خزق بحذائك اللي عاش معك لسنوات ..هو وصمة عار على جبين كل حكوماتك..
وراح يضل ملاحقهم وهمه فوق #الكرسي
وهمه تحت الكرسي..
لا تخجلي.. وخلي حذائك يضل يحكي ويفضحهم.. بلكي حدا منهم يخجل ويستقبل مثلا..( مجرد حلم ما عمره بصير ببلدنا ) ..
اوعك تكبيه…زي ما اتفقنا
وهون بخلص كل الحكي
وبضل #الحذاء هو المتكلم الوحيد..
ملاحظة..
شرح لبقية وضع الطلبة غدا