ليش يا حكومة !!!!

ليش يا حكومة !!!!
نهيل الشقران

– الله يا زمن مين كان يصدق انه ييجي علينا العيد وحنا مزروبين بدورنا مثل الجاج !!!
– انداري والله شغلات هالحكومه مرات ما الها تفسير !!
– كيف يا حجه ؟؟؟
– يعني حظرونا اليوم ، طيب بكرا ما بدنا نطلع ونعايد بناتنا وامهاتنا وقرايبنا ، شو افرق اليوم عن بكرا ؟؟؟؟
– بجوز فكروا انه بكرا بتبرد الناس وبخف شوق الاب لبنته والابن لامه
– والله اذا هيك بفكروا تراهم غلطانين بالعكس هيك بزيد الشوق اصلا
– انداري ، في امهات مريضات وبحاجه لاولادهن يكونوا معهم وفي بنات بستنن طلة ابوهن او اخوهن يعايدهن
– شو كان الحل برأيك ؟؟؟
– الحل انه الحومه تفرض علينا نلبس كمامات وقفازات ونتباعد بالجلسات ونعايد بعض
– صح او بخفضوا عدد الساعات المسموح فيها بالتجول اول يوم وثاني يوم
– يا حجه في حلول كثيره بس مش عارف شو اجا على بال وزير الصحة ولجنة الأوبئة
– والله كان شغلهم بالاول مثل الليرة الذهب بس بعدين نزعوها
– بعين الله ، هاي قرب اليوم ينقضي
– ان شاء الله ينقضي على خير
وكل عام والاردن وشعب الأردن بالف خير

الوسوم
اظهر المزيد

تعليق واحد

اترك رداً

زر الذهاب إلى الأعلى
إغلاق