كفاءة ونص
يوسف غيشان
مفلح حالس على المقهى واضعا رجلا على رجل ويدخن النارجيلة (ويظهر من الحوار فيما بعد انه شبه أطرش ولا يسمع الكلام إلا بصعوبة) يأتي عطية، يسلمان على بعضهما بالأحضان بدون صوت. يجلس عطية مع مفلح، ويدور بينهما الحوار التالي:
– صباح الخير مفلح….. شو زبطت معاك؟
(يضع مفلح يده على صيوان أذنه كأنه يؤذن، من اجل ان يلتقط الكلام، ويتكلم بصوت عال على عادة الطرشان)
– مين اللي جاي معاك؟؟
يقترب عطية من أذن مفلح ويصرخ:
– بقولك زبطت معاك…. مش رحت مشان تتوظف بالدولة؟
– أتوظف في العيلة؟؟
– في الدولة يا زلمة… في الدولة
– آه الدولة …. زبطت …. مش قلتلك بحطّو الرجل المناسب في المكان المناسب؟؟
– وين حطوك؟؟
(يغضب مفلح)
– بتسب ع أبوي. أبوي ما بنسب يا فاعل يا تارك…. يا
(ويمد يده على المرير)
– ما بسب ع أبوك …بقولك وين حطوك …. شو شغلوك؟؟
– أه ….هيك والله رحت أنا وابن عمي النائب عند الوزير وعينوني في الوزارة ع التلفون… رئيس قسم؟؟
– قسم إيش ؟
– أنا كديــــــش…..؟
– لا يا زلمة بقولك شو اسم القسم اللي انته رئيسه؟
– يجهد بلا يشك. فكرتك بتسب، يضع مفلح رجلا على رجل مرة أخرى ويقول بفخر:
– حطوني رئيس قسم سماع شكاوى المواطنين.
