انتخابات
نقابات…؟ وين النقابات؟
ضاع الوطن، واحنا نسطر شعارات،
واحزاب…؟ وين احزاب؟
كلها دكاكين صف الخطابات،
هاكم علوم الناس، تجار الحكي
واخبارها بالحيل، عندي اكيدات
الكل يشرح عن قضايا الكون،
اما الوطن، ما هو مكان اهتمامات،
خير الوطن منهوب منهم،
وفوق النهب، قبض من السفارات،
باعوا اشتروا، وباعوا بالوطن،
ما هم مين المشتري، بالتجارات،
والقاب كسبوها ظلم،
واصحاب دولة وعطوفه وسعادات،
باعوا الأرض، باعوا العرض،
باعوا وطن، باعوا هويات،
بي السماسر والخون،
بي الهمل، واللي يربوا همالات،
صور واعلام مع خرط ونذخ،
وما قالوا اردن وطن ربى زعامات،
وما جابوا سيرة ناس مظلومة دهر،
وما قالوا نرحم نبوع الكرامات،
هذا وطن يا ناس مجبول بوفا،
هذا وصاة جدود ضحوا بزكيات،
وما هو قصور الحرامية ولا،
هو مزرعة، لاهل السوايا الرديات،
والا دخيل ومنتفع من جودنا،
ظنوك سايب يا وطن، مالك حراسات،
وظنوا المصاري تروض الأبطال،
وكلاب تبني قصور حد السحابات،
وظنوا رخيص الهرج يزرع مرج،
يغني عن الأخلاق وام الفضيلات،
يحكوا عن الفطبول مش معقول،
ويتهاوشوا لاجل القضايا السخيفات،
عن برشلونة وعن هوى مدريد،
وين الوطن وين النسايم عذيات،
وين الأمانة وعهد ما يهون الوطن،
والله يامر دوم صون الأمانات،
وين الحمية واهلها يا ناس؟
وين النشامى…وين حرات؟
فيهم زوان ان هزها غربال،
ما ظل الا رجال سوت بطولات،
ابطال مشروع الشهيد الحي،
والا ضحايا دم صاروا شهادات،
