فوضى وصخب
#الفوضى و #الصخب من طبع الحياة ، يعني اليوم ببلش بصياح الديك ، وبنتهي بنكد الشريك ، ومش دايما نق نسوان ، يمكن من زلمه عقله زي عصابات المكسيك .
الصخب ببلش من موج البحر وزقزقة العصافير أو هبات الريح ، ولا تحكموا على بحرنا الميت وطشت العقبة ، ترى ما عندنا بحور ، وبطلوع الروح تا صار عندنا خلقة تلفريك ،
وما بدي أسولف عن بكمات الخضرة ولا الخردة ، ولا عن الصياح على واحد بالف تاجر ، وكاتبله بلا رصيد ، ألف كمبيالة وشيك .
ودليل الفوضى لما بده ييجيك ضيوف أو عندك مناسبه ، كل غرف الدار بدها تنظيف وتشييك ، لإنه بالعاده بكون كلشي مخربط ، والفانيلا فوق الفوتيك .
الفرح بده ألعاب نارية وسماعات ، والحرب طيارات و مدافع ، وترسانة أسلحة نووية ، وألغام بدها تفكيك
تذاكر بميات الدنانير للأغاني بندفعها ، يعني الموضوع إزعاج وطيش ، وجنان بوسامة راغب علامه ، وبحة الطرب بمواويلك يا علي الديك
يعني الحياة عيشها برزانه ، بس الفوضى من طبع البشر ، ولا تفكر بس انت اللي هيك ، ترى كل الناس زيك ، من عالم الذرة ، للي بالعرس نازل طعج وتدبيك
