#صناعة_الخوف

#صناعة_الخوف
وليد عليمات

15 سنة وأهل قريتنا مفكرين بياع الهريسة اللي على العرباية مخابرات ..
هم مش عاملين اشي … وخايفين … وصنعوا لنفسهم بعبع يخافوا منه … بالذات هظول جماعة التحليل الأمني اللي كانوا يقعدوا عند الدكانة على طباق #البيض الفارغة ..

على ذمة أبو خليل إنه مرة شاف بياع الهريسة في سيارة فارهة ولابس نظارات سود ومعه سايق ومرافق يفتحله باب السيارة..
إبن أم نظمي حلف إنه مرة شاف.. بياع الهريسة.. وهو بغير اواعيه ويلبس رتبة عقيد (مع العلم المخابرات ما بيلبسوا رتب)
أبو حسن.. حكى إنه مخبي جوا العرباية جهاز تنصت ورشاش (وأربع طيارات ومدفعين)

ما كان حد قادر يكذبهم… خوفا من أن يوصف بالغباء.. وعدم القدرة على التحليل

بياع الهريسة غاب عن القرية .. معقول طلع #معلولية وترمج..؟
انشغل أهل القرية بمين اجا بداله… مهو لازم يكون في حد مراقبهم… وبعد عدة استفتاءات.. اتضح إنه #عوض_الأهبل هو البديل.. والدليل إنه عوض طول نهاره (يطعّم بالحكومة) واحتمال يكون يستدرجهم..
.
#صناعة_الخوف

الوسوم
اظهر المزيد

اترك رداً

زر الذهاب إلى الأعلى
إغلاق