شلاليط
وليد عليمات
لما كنا صغار كان في عندنا لعبة اسمها (شلاليط) ..
ننقسم فريقين وننزل في بعض شلاليت .. وكان القانون الوحيد للعبة … اللي يعيط يخسر ..
.
كانت عظامنا تتفكفك… وما نرضى تنزل دمعة..
أنا شخصيا كانت عضلة القلب عندي تدخل على المريء ..والعصعص يضرب بفقرات الرقبة والاثني عشر ينزل زي الغرافة ….والكليتين يلعبوا مع بعض #سيسو ..
مع انه دمعتي بتكون بدها تنزل من أماكن حساسة بحكيلهم (والله عادي)
.
.
الدولة بتلاعبنا شلاليط .. رفع ضرايب وأسعار.. وتضييق حريات ..وزيادة بطالة وفقر ..وبنقول والله عادي
.في رفعة محروقات عالطريق شو رأيكم 🤔
#وليد_عليمات
