سهرة الختيارية

سهرة الختيارية
وليد عليمات

السهرة في بيت أبو علي واقل واحد فيهم كان عمره سبعين سنة
سأل أبو علي الختيارية من باب المزاح عن (أوضاعهم في البيت)
ابو احمد فتل شواربه وحرك حواجبه وقال ( انا زي ابن العشرين)
أبو سالم ارتكى وجعص عالمخدة.. وقال ( كأني عريس جديد)
أبو عايد فتل عقاله واستند وقال (ما ودي اقول خايف من عيونكم)
.
وانت يا أبو علي كيفك بالبيت…
ابو علي قال ( ما عليكم مخبى تعرفوا احنا ختيرنا… بس الحمد لله رحت على دكتور وعالجني وأموري ماشية)
.
روح الختيارية مع بعض…
رن التلفون الأرضي (كيفك يا ابو علي أنا ابو سالم. شو اسم الدكتور اللي قلت عنه.. في واحد سألني عنه🙄)
رن أبو احمد ( ابو علي.. في واحد وضعه تعبان بدنا نوديه للدكتور ذكرني باسمه🤔🤔)
رن أبو عايد (يخوك جاري مستوي اكسب أجر ودله بالدكتور😔😔)
.
بعد اسبوع اجتمع الأعيان و جابوا أبو علي… ليش يا أبو علي كل القرية بتقول إنه رحنا للدكتور اللي قلت عنه؟؟
حكالهم ليش انتو رحتوا؟؟؟؟
قالوا: لأ😠😠
قال أبو علي سيبكوا منهم..🤣🤣 هظول شباب الفيس بوك يطلعوا اشاعات ويجب التصدي لهم؟

#وليد_عليمات

الوسوم
اظهر المزيد

اترك رداً

زر الذهاب إلى الأعلى
إغلاق