رسالة صباحية إلى رئيس الوزراء عمر الرزاز

رسالة صباحية إلى رئيس الوزراء عمر الرزاز
كتب … ابو اسكندر عودات .. من بلدة حاتم التابعة للواء بني كنانة شمال الأردن :

احنا الشعب اللي بشتري الدخان بالفرط والبيض بالحبة , احنا الشعب اللي بنمشي 2 كيلو مشان نوفر أجرة الباص واحنا الشعب اللي بننتظر الراتب حتى نشتري لحمة

احنا الشعب اللي بصف بطابور طووووووويل يوم الراتب لانه بتفرق معه اذا تأخر لبكرا…. واحنا الشعب اللي لما يكون معه نصف دينار بجيبته بعد للعشرة قبل ما يختار هل يشتري فيها ساندويشة بالشغل ولا يجيب فيها شيبس لابنه بس يروح ع البيت

نعم احنا الشعب اللي بس يزورنا ضيف بننكسر وبنتبهدل حتى نأمنه بغداء ولا عشاء وحتى الميرندا بنوخذها من الدكان ع الدفتر

احنا الشعب اللي صار لما يمر من جنب محل العاب يصير يحكي مع ابنه الصغير حتى ما ينتبه ويضل بنفسه لعبة معينة

احنا الشعب اللي بس نحس أنه معنا مصاري بنروح نبذر وتشتري شاورما واذا قبعت معنا ع الٱخر بنعطيها “مشاوي” وبهاليوم بنطير من الفرح

احنا الشعب اللي بس حد يقدمله حبة شوكولاته فاخرة بخبيها بجيبته لبنته الصغيرة … واحنا الشعب اللي بس يجي عيد ميلاد زوجته بفوت البيت بكل خجل لانه ماااااا معه يعبرلها عن مكانة هاليوم بهدية بسيطة

احنا الشعب اللي ياااما غاب عن عرس أو تخريج أو مناسبة لاغلى الأحباب لانه ما معه ينقط … واحنا الشعب اللي بنلبس بدلة وربطة لكن والله لو انمزعت ما معنا نخيطها . .. لهون منقول. ..

ومن هنا سأبدأ

احنا شعب مكسوره علينا فواتير كهرباء وماء
من وين نجيب احنا

احنا إذا بنمرض ما معنى أجره تكسي ندفعها
وبنضل قاعدين بدار نتألم

تعالو ادخلو بيوت الفقراء صدفه ممكن ما تلاقي
عندهم قهوه .. يسووها للضيف

حتى ثلاجاتهم غير المي ما فيها ويمكن حبه بندوره
مش مصدقين روحو على القرى وعلى المخيمات صدفه

لا تقلي المسؤولين ما بعرفو كلها بتعرف
ولكن السؤال ….

ما هي المشكله أن يأخذ المواطن أبسط حقوقه في وطنه و هي المي …
أين أنتم عن محاسبه الفاسدين .. وأين مرابح جميع المؤسسات .. وأين وأين

سئمنا من الاقوااال

اظهر المزيد

مقالات ذات صلة

تعليق واحد

  1. الحل واضح أوقفوا السرقات وأعيدوا هيكلة الرواتب ضمن جدولة عادلة وأوقفوا التعيينات التنفيعية على حساب الوطن و أصحاب الكفاءات

اترك رداً

زر الذهاب إلى الأعلى