حكومات متعاقبة / أسعد البعيجات

حكومات متعاقبة

مبارح وانا مروح من الشغل و بسوق سيارتي
وفجأة خبطني واحد فنزلت من السيارة وكان السائق ختيار

قلتله: شو تأمينك يا حج لأنه الحق عليك وبدك تصلحلي الضربة

قال : والله يا ابني ما معي اكل
كيف بدي ادفع كروكه أو اصلحلك

حن قلبي عليه وسامحته وكملت طريقي

لما وصلت على الإشارة انا وقفت رجع حدا خبطني مرة ثانية

فنزلت من السيارة الا هو نفس الختيار
قلتله هالمرة ما في مجال بدك تصلحلي

رجع صار يبكي ويشكي اكثر من اول ويسب على الحكومة و غلاء الأسعار وعلى المعارضة الخارجية والألبسة الداخلية .

فتركته ومشيت

وانا ماشي بالطريق بعد الجسر لقاني مطب فخففت السرعة فجأة سمعت كمان خبطة من ورا

جيت بدي انزل شفت بالمراية نفس الختيار
مطلع راسه من الشباك وصار يحكيلي : كمل كمل هاظا انا

الوسوم
اظهر المزيد

اترك رداً

زر الذهاب إلى الأعلى
إغلاق