حفلة عرس جارنا

#حفلة #عرس جارنا

محمد عياش القرعان

جارك لما بطبخ اكلة طيبة او بعمل اشي حلو او كويس في بيته ما بشاركك فيها
ولما بصير معه مصاري كثير او دخله بزيد برضه ما بشاركك فيها،

لكن لما بده يجوز ابنه ويعمل حفلة وطنة ورنة ويجيب فرقة موسيقية ويشغل مكبرات الصوت ويظلوا يغنوا ويرقصوا للفجر هاي لازم يخليك تشارك فيها غصبن عنك وعن اللي خلفوك، حتى ولو انت قاعد ببيتك لانه الصوت راح يفوت عليك ويطبل مخلك ويخليك تسهر وتحتفل معهم غصب عنك.. مش مشكلة عنده اذا كنت موظف او تعبان او مريض او عندك اطفال او كبار بالسن او كنت هchبان من افراط الزيتون او حتى ما عندك اشي بس الله خلقك هيك ما بتحب الصوت العالي والسهر، شو تعمل يعني؟! .. فانت لازم تسمع وتسهر وتتعب عشان الباشا ابنه يفرح وينبسط ويكيف.. مهي كلها ليلة وفرحة عمره!! … بدك تتحمله شوي عشان المحروس ابنه يكيف وينبسط… اه لعاد كيف…!

وبعد كم شهر والله لا يسمح، ولا شو والله اطلقنا ؟. ول لويش عزا ؟!
والله ما اتفقنا وكل شي قسمة ونصيب ؟!
لا عمي مش هيك القصة.. القصة انه انت بلشت القصة من اولها غلط بغلط والشيطان كان حاضر معك من اول لحظة وفايت معك بكل التفاصيل، حتى بليلة الدخلة كان معك شريك قوي ويمكن الولد يطلع للشيطان مش الك، مشان هيك الله ما وفقكوا بهيك اجوازه، وسبب كبير لانتشار حالات الطلاق والأولاد اللي تصرفاتهم مثل الشياطين بهاي الأيام !!..
ما بقول غير اتقوا الله في اعراسكم وافراحكم واستحوا… لعل الله يبارك لكم فيها.

وفي الختام شكرا للتلفزيون الاردني ولساعي البريد وكما اهدي سلامي لجوزتي واولادي😀