رساله الى السيد الملقي…
توقيتك غلط مستر (ملقي) باشا..
الأردن بوضع غير مستقر أمنيا ..
صرنا نمشي بالشارع والخوف مكللنا وبعدنا عن التجمعات وكتفينا ببيوتنا..
نفتح الفيس بندور ع خبر مداهمه أو ملاحقه مطلوبين أو قتل أو حتى انتحار ..
اتعظنا من اللي حوالينا وصحينا لبلدنا اكتر
وبطلنا ندعي لولادنا ع قد مابندعي الله يحمي الأردن وشعبها.
#حملة#ارحمونا..
عرفت ليش توقيتك غلط مستر…
بدك الشعب يكون معك ولاعليك؟؟ بلشت بمرضى السرطان والإعفاءات..ورفع المحروقات وزيادة رسوم تجديد جوازات السفر وماخفي كان أعظم.. شو متوقع منا .. (التضاد)
ياملقي روح خفف من راتبك أو راتب وزير أو نائب..
انتو بالأولوفات..
واحنا بالفراطات ..
قلبك ع البلد ..نزل من راتبك وروح سد العجز انت وغيرك..وحلو عنا ..احنا بفرق معنا القرش ازا انت بفرق معك المليون
احنا حاليا بحالة فقر لاتوصلونا للجوع ..
انتو بحاجتنا وبحاجة دمنا وروحنا لاتخسرونا ..
بين ايديكم جوهره حافظو عليها ..
الشعب بحب بلده وبحميها وبدمه بفديها..
حافظوا عليه حتى يحافظ عليكم