يعني صدقوني لو انكتب لأينشتاين و فيثاغورس وستيفن هوكينج انهم يعيشوا بالأردن ويراقبوا دفتر [ حسابات الحكومة ] , انا متأكد غير نلاقيهم بشعورهم المنكوشة بوسط البلد ببيعوا [ علكة شعراوي ] على اشارات سقف السيل !!
أنا مش قادر افهم , يعني لما وصل سعر البترول 127 دوﻻر للبرميل كان سعر تنكة البنزين تنباع باﻻردن بــ 13.5 دينار ..
اليوم وأثناء كتابة البوست , سعر برميل النفط عالمياً اقل من 50 دولار , وبتنباع تنكة البنزين عنا بأكثر من 12.5 دينار , فأي منطق وأي استغفال واي استهبال بتمارسه علينا الحكومة ..؟!
ضحكوا علينا اليوم بتخفيض البنزين 20 فلس , وبالمقابل رفعوا سعر اسطوانة الغاز نص دينار , مع انه همه عارفين انه الطلب على الغاز بفصل الشتاء برتفع ..
مئات الملايين شهرياً الحكومة بتوكلهم من الشعب [ الملتعن فاطسه ] زور وبهتان , وما بندري لجيبة وحساب مين بتروح كل هاي اﻻموال ..
واللي بقهرني اكثر , لما يتسائلوا عن غياب ثقة الشعب بالمؤسسات الحكومية الرسمية ..
ولكو إذا تسعيرة النفط فيها ما فيها وما حدا فاهم كيف وليش وعلى اي اساس بتسعروها , كيف بدنا نثق فيكوا بإدارة بلد كاملة من بابها لمحرابها ..؟!
بكفيكم تذاكي واستهبال علينا , والله الشعب زهق وقرف من كل الافلام الهابطة اللي بتمارسوها علينا ..
