قال النائب #محمد_الظهراوي في جلسة #النواب ان مدينة الزرقاء تبتعد عن العاصمة عمان 15 كيلو وتبتعد عن #حكومة بشر الخصاونة 150 سنة .
وقال الظهراوي في بداية مداخلته، “اتمنى في يوم من الأيام أن يحضر الرئيس لي كلمة تحت القبة .. لكن هو حر”
وانتقد النائب مقولة رئيس الوزراء بشر الخصاونة بأن #اجمل_الايام لم تأتي بعد .
وقال النائب ” مادام العسكري بهرب من مكان لمكان #القادم_مش_اجمل ، ما دام ابناء قطاع غزة يموتون على ابواب #المستشفيات القادم مش اجمل ، وما دام #الراتب 260 دينار وغرفتين للأيجار بعمان ب 300 دينار ، القادم مش اجمل” .
وقال أيضا ” طول ما بوصللكم أكل الكلاب على بيوتكم طالب الهندسة والطب هذا مش أجمل .
وتابع الظهراوي : “شو بدي أقول لـ إبراهيم العرقاوي الي ماتت له 2000 بقرة في الظليل، احكيله وافقت عالموازنة؟”.
واضاف: ” شو بدي أقول لابن الشهيد معاذ الحويطي، احكيله وافقت على #الموازنة الي استثنتك واستثنت #أبناء_الشهداء من حقوقهم، شو بدي أقول لنافذ ابن حسوس الي ماتت بنتو في مستشفى الزرفاء وما لقينا لها سرير، شو بدي اقول لاسماعيل الغزاوي الي مات بباب المستشفى وما وصله الإعفاء”؟ .
واضاف: “بتروح بتشكي لاي مسؤول بتحكيلوا عن الوضع بقلك شوف سوريا ولبنان، بدي احكيك يا مسؤول عن سوريا ولبنان.. سوريا ما عليها ولا قرش دين ، لبنان عندها احتياطي ذهب بقيمة 100 مليار ولا منشأة انباعت فيها .. ورغم ذلك بتقلي روح شوف سوريا واللبنان”!..
الصومال خلصت دينها وطردت البنك الدولي، واردوغان نزل اسمنت وحديد وبلش يعمر ..وعمارة اللوبيدة لساتها محلها “.
وختم الظهراوي: “طول ما انتوا راكبين لاندكروز واحنا مش لاقين سكر ولا رز ..”القادم مش اجمل”.. الصحة تراجعت كثيرا بعد ما كانت الاولى .. طول ما كلابكم بتاكل رويال فود وكلابنا بياكلوا ولادنا القادم مش اجمل!.. وطول ما اكلكم بوصللكم اياه طالب هندسة او طب القادم مش اجمل .. وطول ما العسكري عليه دين للدكاكين وبهرب من دخلة لدخلة القادم مش اجمل.. وطول ما في فروقات بين المحافظات القادم مش اجمل “!!.
وطالب الظهراوي في حديثه تحت قبة البرلمان اليوم الاثنين، الحكومة العمل بضمير والوقوف الى جانب الناس، لافتا الى أن الحكومة ضد الشعب .
ونوه الى أن المدارس الخاصة تطالب اولياء الأمور بمبالغ كبيرة تصل الى 2000 دينار، بقوله: “ولادنا كأنهم راجعين من الخليج، بدهم يدفعوا 2000 دينار للمدارس الخاصة”.
