الاصابات
679٬138
الوفيات
8٬057
قيد العلاج
49٬211
الحالات الحرجة
729
عدد المتعافين
621٬870

#ارفض_حظر_الجمعة يجتاح مواقع التواصل

سواليف – رصد – فادية مقدادي

اجتاح هاشتاغ #ارفض_حظر_الجمعة مواقع التواصل الاجتماعي في الاردن ، وذلك بعد ساعة من اعلان الحكومة العودة لحظر الجمعة وزيادة عدد ساعات الحظر الليلي.

وأعرب المواطنون من خلال منشوراتهم عبر موقع تويتر وفيشبوك عن رفضهم لهذا القرار الذي يضر كثيرا بالقطاعات التجارية في الاردن، في ظل جائحة كورونا التي ما زال المواطن يتحمل تبعاتها منذ عام.

موقع سواليف الاخباري رصد بعض التعليقات والمنشورات:

**عدم وجود اي دراسه تأكد نجاعه حظر يوم الجمعه بتقليل اعداد الاصابات #أرفض_حظر_الجمعة

**ما في دولة بتعمل حظر يوم واحد من كل أسبوع، الدول بتعمل حظر مدروس لمدد قصيرة متفرقة حسب أعداد الحالات لإعطاء القطاع الصحي مجال يسيطر على الوضع بعدين بتفتح فترة وبترجع بتحظر عشان يضل الوضع منطقي، حظر يوم العطلة الوحيد عند الأغلب مجرد تنغيص #ارفض_حظر_الجمعة

** قرارات ما فيها دراسة ولا اشي حكومة حافظة مش فاهمة ولا دارية شو تعمل غير تجوع الشعب المديون اكثر و اكثر #ارفض_حظر_الجمعة

** كل خبراء الاوبئه صرحوا انه حظر الجمعه ما بخفف الاصابات ليش الحكومه مصره على الحظر وتقليص ساعات شو الغايه يا عمي الناس تعبت مين بده يعوضها عن خسائرها اعطونا سبب علمي واحد للحظر #ارفض_حظر_الجمعة

** اليوم المطاعيم من الشعب للحكومة اكبر من مطاعيم الحكومة للشعب .. #ارفض_حظر_الجمعة


** #ارفض_حظر_الجمعة رح يتم ذكرنا بالتاريخ على أننا اغبى دولة تعاملت مع الفيروس دولة شعبها بموت من الجوع وتحظر تنقل المواطنين شاهد قبل الحذف

اقرأ أيضاً:   وفيات الثلاثاء .. 13 / 4 / 2021

دولة تستخدم سلطتها و تحبس الشعب لأنها فشلت بتوفير المطعوم #ارفض_حظر_الجمعة


** انا بقول أشطبوا يوم الجمعة (اللي مزعجكم) من الروزنامة.. و بلاها جمعة.. #أرفض_حظر_الجمعة

** معلِش يا مواطن 6 أيام إلك ويوم للفايروس المِسكين! #أرفض_حظر_الجمعة

** مش كل الشعب موظفين حكومة ضامنين راتبهم ينزل آخر الشهر وفكرة إنه واحد راتبه 10 آلاف يجتمع مع ناس راتبهم 5 آلاف عشان يفرض حظر على واحد راتبه 300 دينار وميت جوع ومديون بحد ذاتها مصيبة #ارفض_حظر_الجمعة


** ناس بتموت لتجيب القرش الأحمر، وناس معها كثير فلوس، لا تقيس قدرتك المادية عقدرة غيرك، في ناس رزقتها راح تنقطع بسبب الحظر، الله يعين الناس وحسبي الله ونعم الوكيل.. #ارفض_حظر_الجمعة

** كم واحد بتحكموا في مصير وارزاق الشعب وحريته يا عمي ما في دارسه ولا تخطيط ولا اي سبب علمي للحظر شو الي بدكم ياه منا #ارفض_حظر_الجمعة

** هو الكورونا كان مسافر و رجع على #الأردن و بس بده يطلع يوم الجمعه يمشي بالشوارع ؟؟؟ #أرفض_حظر_الجمعة


** جمعة حظر !!، بعملوا حظر الجمعة بتقل الاصابات بفكوا الحظر بتزيد الاصابات وبرجعوا يعملوا حظر شامل ليوم واحد فقط ومن غير خطة او دارسة. الحكاية كانت كدا وعملنا كدا ومن رغم كدا عملنا كدا ، وهي دي المعجزة.

اقرأ أيضاً:   65 وفاة و 3340 إصابة بكورونا اليوم الأحد / تفاصيل

#ارفض_حظر_الجمعه


** رح تمرق سنة على كورونا في الأردن، ولسا قراراتكم بنفس التخبط والعشوائية من اليوم الأول ولا كأنه تعلمنا شي #ارفض_حظر_الجمعة


**#ارفض_حظر_الجمعة لأنه في كثير أساليب أفضل وأكثر جدوى

#ارفض_حظر_الجمعة لأنه الڤيروس بنتقل الصبح كمان وباقي أيام الأسبوع #ارفض_حظر_الجمعة لأنه الفلوس ما بتنزرع بقوار وبتطلع عالشجر

#ارفض_حظر_الجمعة لأنه الناس بدها تعيش ومش كل أصابع وحدة

#ارفض_حظر_الجمعة لأنه مش منطقي بتاتاً


**أحبتي، منطقياً مش كل الشعب الأردني ينتظر يوم الجمعة عشان يرتاح، في ناس رزقتها الجمعة، في ناس رزقتها بعد الساعة عشرة، بتتوقع الشباب اللي بشتغل شفت مسائي يوخذ راتب ؟ ولا ما يقتطعوله منه؟ يا جماعة في ناس عندها مسؤوليات ربنا أعلم فيها، انتوا مش سواسية، لا تكون أناني #ارفض_حظر_الجمعه

** مناعة القطيع عم تتشكل حاليا، وما في شي الدولة تعمله توقف بطريقها غير إنه تعجل باللقاحات، إحنا مش ضحية تقصيركم #ارفض_حظر_الجمعة

الناس أتبدهلت وتراكم عليها ديون وما زالت عاجزة لهاذي اللحظة وحكومتنا مصرة على قرارتها الغير منطقية وعلى قتله ببطئ ! #أرفض_حظر_الجمعة

مبارح المسا زلمة عمره 48 سنة من أصدقاء العيلة توفى بعد ما رمى حاله من اعلى جسر المدينة الرياضية انسان بشتغل شغلين مشان يلحق يوفر اقل مستوى معيشي لأهله ما تحمل ضيق الحال المادي الي استمر من فترة الحظر الشامل لهلا و فش تعويض خايفين ع الشعب بس يموت من كورونا ؟! #ارفض_حظر_الجمعة

اقرأ أيضاً:   احقاق للمحاماة: المحكمة تؤيد إحقاق بخصوص عدم قانونية قرار النائب العام بمنع النشر في قضية الأمير حمزة

اقسم بالله تشرشحنا مادياً ونفسياً وصحياً #ارفض_حظر_الجمعة

#ارفض_حظر_الجمعة في بيت اردني مكون من شخصين بخلصوا دوام على ال ٦-٦:٣٠، والجمعة كلشي مسكر، كيف المفروض ألحق أخلص اي واجب اجتماعي او أقضي اي حاجة لبيتي في اقل من ٣ ساعات يومياً ويوم اجازة واحد؟ بعد ٢١ يوم بصيرلنا سنة عن اول مرة عملنا فيها حظر، شو فرق علينا؟ صرلنا سنة بنستهبل.

الحكومة على نهج سابقتها بدأت تعامل الفايروس كأنه “بعبع” يظهر في الليل ويجوب المدن يوم الجمعة . #أرفض_حظر_الجمعة

أنا مع أي حل لأي أزمه ممكن تطلعنا من هاذ الوضع وانا ما بخالفكم الرأي انا معكم قلباً وقالباً و #ارفض_حظر_الجمعه بس برضه احنا شعب غير مسؤول ابداً ومظاهر يوم الجمعه الي بنشوفها جداً غلط في ظل هيك وضع وبائي.

طبعا تقليل ساعات التجول بده هاشتاق لحاله وردح لحاله .. يعني انتو عم تقتلوا موارد كثير من العائلاات بهيك قرارات ! ما بيكفي الخسارات اللي اكلوها من اول حظر ؟ ما هو اكيد اللي شغال وزير بالحكومة وراتبه ماشي ولا متأثر بشي اكيد مش رح يفهم شو يعني دخلك ينعدم #ارفض_حظر_الجمعة

#ارفض_حظر_الجمعة رفضا قاطعا بسبب عدم وجود اي جدوى ومنفعة تعكس ايجابية هذا القرار غير المنطقي اطلاقا والمخالف عنادا وجورا !!

اظهر المزيد

اترك رداً

زر الذهاب إلى الأعلى