إشغلوا لا يشغلك

إشغلوا لا يشغلك
وليد عليمات

تعالت الأصوات في القرية وتكثفت الاجتماعات رافضة لسياسة المختار وبدأ التخطيط من أجل الضغط عليه لتغيير نهجه و التراجع عن الأتاوات التي فرضها على أهل القرية بسبب وبدون سبب.
كان المختار قلقا مما يجري وأحس بالخطر القادم بدأ يفكر كيف السبيل لإنهاء حالة الاحتقان في القرية.. وقرر أن يستشير صديقة عقلة الحرامي..
عقلة قال للمختار إنت لازمك خطة (إشغلوا لا يشغلك)
قال المختار : كيف؟
عقلة : أنا لما بروح أسرق فكرك ليش ما حد ينتبهلي وما حد بحاسبني؟
المختار : كيف؟
عقلة :يا سيدي تتذكر لما انسرقت بقرة أبو علي؟
المختار : أيوة
عقلة : أنا بعد ما سرقت البقرة فلتت حبل حمار أبو حسن وربطته في مزرعة أبو شاكر.. وهجموا دار أبو شاكر على دار أبو حسن وبلش الطخ.. وأبو علي مهو إبن عم أبو حسن فزع بالبارودة وصار يطخ كمان.. حتى إنت يومها صالحتهم يا مختار مزبوط؟؟
المختار :مزبوط
عقلة :حتى أنا يومها عزمتهم عندي عشان الصلحة وعزمتك معهم
المختار :مزبوط

عقلة : صحيح إنت ما بتعرف انه حمارة أبو شاكر معشرة (حامل) من حمار أبو حسن
المختار : لا يا رجل معقول؟؟
عقلة : ما بزل عليك.. هذي فضيحة
#انت_مش_سامع_الطخ والصوت؟

المختار : سامع سامع
عقلة:حددلنا موعد للصلحة
المختار: (إشغلوا لا يشغلك)

عقلة :أيدك ع المعلوم؟؟

#أرشيف

#وليد_عليمات

الوسوم
اظهر المزيد

اترك رداً

زر الذهاب إلى الأعلى
إغلاق