بسم الله الرحمن الرحيم
التعليم في زمن الكورونا
نهيل الشقران
– ابو حسين ، درست لولاد؟
– درستهم ، بس والله طلعت روحي ونا ادرس فيهم.
– ليش شو مالهم ؟
– شو مالهم ؟؟ يا بنت الحلال مستواهم ضعيف كثير ، خاصة بالرياضيات والانجليزي
– الله يعين قلوب المعلمين عليهم، يا الله شو كانوا شايلين مسؤولية كبيره عنا
– تخيلي يا بنت الحلال جدول الضرب مش حافظينه!!
– انداري ! شو باقيين يروحوا يساووا بالمدرسة ؟؟؟
– طيب هسا لما المعلمين ببعثولهم الواجبات عالنت، واحنا نساعدهم بالحل ، أو نحل عنهم ، عشان ينجحوا ويجيبوا علامات شو بدهم يستفيدوا ؟؟؟
– والله انا بقول لازم الوزارة تبحث عن طريقة تضمن النزاهة والعدالة بالاختبارات هاي اللي عن بعد
– ليش ؟ ما بدك لولاد يجيبوا علامات ؟؟؟
– مش هون القصه، القصه إنه الاولاد لازم يتعلموا ، مش يجيبوا علامات عاليه بدون ما يصير عندهم علم ولا ثقافه لمستقبلهم
– اه اذا هيك والله معك حق .
– لانه فكرة التعليم عن بعد جديده علينا، ولازم يعملوا عليها دراسات ويشوفوا وين جوانب الضعف ويعالجوها وجوانب القوة ويعززوها
– فعلا ، هاي لازم تنعمل مقترحات وتتقدم للوزارة بشكل رسمي
– صح ونتي قلتيها ، رح اتصل بأولياء امور الطلاب اللي بعرفهم ونتفق على المقترحات ونبعثها لمعالي الوزير
– بالتوفيق إن شاء الله
