أبو قنوه ……….بيه بترول !!!!! / نايف السليم

أبو قنوه ……….بيه بترول !!!!!

أبو قنوه ………صباح الخير يا أستاذ !!!!
صباح الخيرات يامعلم أبو قنوه ……مالك الك ريحه انت او قنوتك ريحة ديزل بنزين كاز زفت قطرانه ريحه كريهه انت او قنوتك وين كاين بأي معفره سكن يابوقنوه !!!!
أبو قنوه …….ريحه كريهه يا استاذ …….هذي ريحة بترول يا استاذ ريحة الذهب الاسود اللي مكلعطه الدنيا اسعاره !!!!!
ههههههههههه شو ابو قنو طالع ب …..بير بترول مالك كفالله الشر خابرك عاقل يابو قنوه !!!!
ولا مع كثر الديون والمديونيه صرت تخلط ميه او زيت لا لا ….انت مش طبيعي اليوم روح نظف حالك وتحمم يابو قنوه !!!!ّ
أبو قنوه أستاذ أستاذ كف شرك عني اليوم ممكن لاسلخك بهالقنوه اسطح راسك !!!!
والله يا عالم انه بيه بترول بيه بترول …..!!!!
ولك يا مهسهس بترول ايش والناس نايمين ….اصحى او صحصح !!!!!
أبو قنوه …..ولك هي اولاد عمنا طلعوا البترول لا …او وين بالبحر الميت …قال بحر ميت قال !!!!
ولك يا استاذ طلع هالبحر عندهم كله خيرات او عندنا طله لا لبرتوا لحالها من شان تعمل مراقص او كرخانات ……هذا الذي مطلوب اطلعوه عندنا بس والمسموح فيه !!!1
البرتو …..البرتوا ترحب بكم …..او عندهم البترول يرحب بكم !!!!
مالك يابو قنوه احنا خيراتنا محرمه علينا او ممنوع نصير اوادم ببلادنا !!!!
أبو قنوه ….والله بشوفك حكيت الصح اليوم يا استاذ ….طيب لليش يا عموه !!!!
ولك يابو قنوه احنا حراس بس او هما ينهبوا خيرات هالبلاد مهما اللي فوق قابضين حقوقهم من الحراسه ولا على بالهم !!!!!
ههه….هههه هذا المسخم أبو قنوه بسولف مع حاله مهسهس من الفقر او بفكر أنهي بصير عنده بيت ولا سياره او اجوز اولاده واعلمهم…….له له …الله اعينك يابو قنوه !!!
ولك والله بيه بترول بس مخبيينه من رخص الاسعار ماهواش اقتصادي استخراجه يا زلمه مثل الصخر الزيتي من ثلاثين سنه واحنا نسمع بيه ….والحجه الاسعار ما بتناسب استخراجه التكلفه عاليه وصل سعر البترول عقد كامل فوق المئة دولار واحنا الاسعار والتكلفه ما بتناسب !!!!!
ولك هما واولادهم واصحابهم عايشين او قابضين ثمن الحراسه والله يجعل لا حدى حوش وراهم !!!!!
أبو قنوه …..لا والاشي واللي بيقهرك انه مضيناها مسح زلزالي وتنقيب ومين هما اللي بنقبوا شركات ….بس يقولوا بيه بترول ……كنها قامت الدنيا او قعدت على روسنا لا تصدقوهم الاجانب هذولا مخرفنين …..يازلمه كنهم قاصدين اجوعوا هالشعب عينك عينك هالفاسدين !!!!
والله بيه بترول …..يا بو قنوه بس أنت بتعرف وين هو يابو قنوه ….وين هو يا استاذ قلي لاصلخ بهالقنوه ….بط…….أخخخخخخ يابو قنوه الله لا يجبر خاطرك راسي يابو قنوه !!!!
الكاتب والشاعر نايف السليم
nayef_alslayem@yahoo.com

الوسوم
اظهر المزيد

اترك رداً

زر الذهاب إلى الأعلى
إغلاق