احتجاجات وتغيير

احتجاجات وتغيير
وليد عليمات

النمس: الحق يا سيدي النمر
النمر : خير شو في؟
النمس:مظاهرة في الغابة تطالب بإسقاط حكومة الحمار..
النمر : شو بدهم هظول كل يوم والثاني مظاهرة بدهم تغيير الحكومة. مش لاقيين شغلة لسة السنة الماضية غيرنالهم الحكومة وكلفنا الحمار.. خلفا لحكومة #التيس
النمس: سيدي بقولوا إنه حكومة الحمار ضيعت الغابة ورفعت الأسعار وتخابط مخابطة في البلد
النمر : بعدين مع هالسولافة احترت معهم حطينا رئيس ضبع ما زبط..
رئيس كلب عملي ضجة..
حطينا رئيس فيل طحن الأخضر واليابس
حطينا رئيس تمساح : راح ما يجيبلنا انقلاب
النمس:قالوا بدنا رئيس بسيط من الغابة يفهم عليهم ويفهموا عليه.. جبنالهم الحمار وقلنا يمكن يمشي معهم وهيو مش قادر يدير الأمور
النمر : والحل؟ مش إنت النمس مستشار وإلا ع الفاضي
النمس: عشان تمشي مصالحنا لازم نجيب رئيس على قد اليد
النمر : شو رأيك بالذيب
النمس: بلاش منه يا سيدي هاظ رح يغلبنا وجماعته قويين.
النمر :شو رأيك بالفهد؟
النمس : لا يا سيدي هذا صدامي ورح يعمللنا بلبلة في الغابة
النمر : بدنا واحد يمشيلنا القرارات إللي ما قدر يمشيها الحمار وبنفس الوقت ترضى فيه الغابة
.
النمس : ما إلنا إلا هالواحد
النمر : مين؟
النمس : الحمار الوحشي
النمر : جبتها والله
.
وانفضت المظاهرة واحتفلت الغابة بإسقاط الحكومة الظالمة والكل هتف ل #الأسد وتوجيهات العرين
.
#وليد_عليمات

اظهر المزيد

مقالات ذات صلة

اترك رداً

زر الذهاب إلى الأعلى