ما ينفع #الجيعان كثر #التراحيب
أمين الأمم المتحدة بوخذ ملايين عشان يعبر عن قلقه لما تصير أحداث سخنة بالعالم ، وعاذرينه كونه مش كل إشي بيده
لكن عندنا مش معقول اللي بصير ، #المسؤول لا قلقان ولا ماخذ إجراء ، ياخي إعتبروا الموضوع عدم دفع فواتير واتخذوا إجراء فوري زي ما بتقطعوا الكهرباء .
بعد ما اسهرنا بالقرية ، روحت من عند الحجة على دارنا حوالي الساعه ١٢ بالليل ، والمسافة بين دارنا ودار إهلي مش بعيده
سمعت بنتي صوت كلاب وخافت كثير ، وصارت بدها إياني أشيلها وهي خايفه وتعيط وتقول : بابا بابا
قلتهلها : والله يا بابا أنا خايف أكثر منك
#جنون #الأسعار وجمطناه ، وجنون #البطالة أحرق الأخضر واليابس ، لكن #الكلاب_الضالة بتسيد وتميد وما حدا ماخذ أي إجراء ضدها ، هذا إشي بمخول العقل
طعموها ترمس ياخي ، وجمعوهن بمكان يا بتوع حقوق الحيوان
وزي ما قال أحمد فؤاد نجم :
رزقك ورزقي ، ورزق الكلاب ، ده شيء متروك ليوم الحساب
وخلينا نضل نعوّي ، ترى ما حدا راد علينا
هو
هو
