سواليف
تصدر هاشتاج حمل عنوان
25 يناير مواقع التواصل في مصر عشية الذكرى العاشرة لثورة يناير التي أطاحت بالرئيس الراحل حسني مبارك.
هتافات الثورة. بعض النشطاء أعاد نشر الهتافات التي ملأت أرجاء مصر، لاسيما في ميدان التحرير، ومنها:
بعض سلمية…….سلمية ……….. سلمية
عيش … حرية … عدالة اجتماعية
صيحي صيحي صيحي أنا ابنك مسلم ومسيحي
ارحل……… ارحل ……… ارحل……… ارحل……..ارحل
………………….يا منتقم …يا جبار…. فوضناك….. تاخد بالتار عسكر ….عسكر…عسكر ليه…..احنا فى سجن ولا ايه
يا للعار ……. يا للعار …….. حسنى بيضرب شعبه بنار
يا دى الذل .. يا دى العار .. مصرى بيضرب مصرى بنار
ثورة .. ثورة ..حتى الموت اللى بيهتف مش هيموت
ارحل…ارحل زى فاروق…شعبك منك بقى مخنوق
كله ينزل من البيوت…. حتى يرحل فى التابوت
ابعت ميت قناصة.لسه فصدرى مكان لرصاصة
يا ابن الخال ويا ابن العم ……الحرية تمنها الدم
انا مستنى رصاصة فى بلدى..علشان مصر حبيتى وبلدى
يا شعب ياللى دفع تمن الشوارع دم..احفظ أسامى اللى ماتوا فى الشوارع صَم
اقتل خالد واقتل مينا …. كل رصاصة بتقوينا
ارحل …. يعنى امشى ….. يمكن ما بيفهمشى
متعبناش ….متعبناش ….. الحرية مش ببلاش
يله مبارك غور…. غور …خلى الشعب يشوف النور
شالوا نظيف …. جابوا سليمان …… الحزب الوطنى كله جبان
اعتصام …… اعتصام ….. حتى يسقط النظام
اتجنن ….. اتجنن … حسنى اتجنن
مش حايفيدك كاب وبيادة ….. انتو جهنم واحنا شهادة
الشعب والجيش ايد واحدة.
مش هنمشى ….. هو يمشى
الشعب يريد اسقاط النظام
يا مبارك يا مبارك السعودية فى انتظارك
قول يا مبارك يا مفلسنا انت بتعمل ايه بفلوسنا
يا مبارك فينك فينك ……. دم الشهدا بينى وبينك
يا مبارك …. مصر مش عزبة امك ولا ابوك
يا حرية فينك فينك …. حسني مبارك بينا وبينك
ثورتنا شعبية ….. ضد مبارك والحرامية
يلى فاضلك 6 شهور .. خد اجرتهم يلا وغور
احنا زهقنا احنا طهقنا يامبارك غور وفارقنا
يا مبارك يا صهيونى …. مصر حتفضل جوه عيونى
ارحل ارحل يا خسيس .. دم المصرى مش رخيص
كل الشعب بيقول وينادى .. حسنى مبارك بره عايز ايه؟ عايز الشعب يبوس رجليه … لا يا مبارك …. مش حنبوس …. بكرة الشعب عليك حيدوس ….. بكرة الشعب عليك حيدوس ….. بكرة الشعب عليك حيدوس
يا جمال قول لابوك الشعب المصرى بيكرهوك
يا حمال يابن مبارك جبت منين ملياراتك
يا جمال قول لعلاء . ابوك اتجمم ولا فاق
يا سوزان قولى لمبارك ….. المنصة فى انتظارك
يا سوزان قوللى للبيه … ربع قرن كفاية عليه
يا سوزان قولى للبية … باع الشعب بكام جنيه.
كيف كانت القاهرة اليوم؟
من جهته قال الكاتب الصحفي كارم يحيى إنه عاد
اليوم 24 يناير 2021
من وسط القاهرة
مرورا بميدان التحرير
بعد انقطاع طويل للامتناع
عن الخروج وركوب المواصلات بسبب وباء كورونا،مشيرا إلى وجود
انتشار لافت لقوات الأمن في ملابس رسمية ومدنية
في الميادين والشوارع وبالمقاهي و….
وبمختلف العربات
بما في ذلك “الميكروباصات” المحملة بالبلطجية ..
وأضاف يحيى: “مازالت ثورة 25 يناير وحتى بعد عشر سنوات
ترعب سكان القصور الكبرى حتى لو هي ذكرى .. .. خائفون من ريحة يناير حتى ولو من بعيد.. وكأنهم يعرفون أكثر منا أنها إلى استكمال”.
ليس مجرد يوم !!
في ذات السياق وصف الفقيه الدستوري الشهير نور فرحات 25 يناير سنة 2011 بأنه ليس مجرد يوم في شهر في عام مضي، ولكنه أمل محفور في قلوب المصريين في العدل والحرية والتقدم والكرامة.
وأردف فرحات: “الأمل لا يمضي وشعلته لا تخبو بمرور الزمن”.
إجهاض الثورة
من جهته قال الأديب الكبير رفقي بدوي إن المتخصصين في إجهاض الثورة هم الأعلي صوتاً وغناءً يوم الزينة.
وأضاف بدوي أن موقف الشعب فوق كوبري قصر النيل، كان لا نكوص عن الثورة حتي لو اتفتح الكوبري أو ضرب الثوار بالقنابل باستخدام الطائرات الحربية والدبابات، فكانت 25 يناير .
وقال إن الموقف فوق الكوبري يحتاج لدراسات ومقارنات بين كوبري عباس وكوبري قصر النيل.
واختتم بدوي موجها تحية لثورة 25 يناير المجيدة.
مؤامرة
على الجانب الآخر هاجم عدد من النشطاء ثورة 25 يناير، واصفين إياها بالمؤامرة.
الاستقرار
وحنّ آخرون إلى زمن الرئيس الراحل حسني مبارك مؤكدين أنهم وجدوا الاستقرار في عهده.
لن يتكرر
كان الرئيس عبد الفتاح السيسي قد أكد في إحدى المناسبات أن ماحدث في مصر عام 2011 لن يتكرر، وهو الأمر الذي أثار جدلا واسعا بين متقبل له، وناقم عليه.
